Taetus 1:11 - Natqgu

¹¹ Bzkq rlr-ngrbzme mz leplz kxnzmulr lcng nzalvztr-krdr mz makxtr. Murde nzapqtrpzlr drtwr leplz kxkqlu mz nzvz-nqblq-krdr nzpokiangr lc. X nzalvztr-krdr lc trngiu dalr nzokatr-krdr leplz, a' ngi dalr nzmabz-krdr trau.

Taetus 1:11 ပူးပေါင်းရင်းမြစ်များ

Sam 107:42

Kxnztubqng nzmclr nqmq krde x nzabrtz-zlwz-ngrdr. A' kxdrka'-ngrng nzwx-nabu-txpwzng.

Sam 63:11

X ninge, king nem, sa na-abrtzlvzx nim, Murde ngi-batrpe' nzaovxio-krnge. X krkcng tzabrtrpzlr drtwrdr bam, sa nabilvzlr nim. Murde sa nangi-batrpzme mz kxnzpokiang nzmnc-lrpi-krdr.

Matiu 23:13

Jiszs rpi-mopwzle kx, “Agrmplz nimu blzpokiang, nimu Farzsi x kxnzalvztrng mz Lou sc Mosis! Murde Gct sa na-ayrplapxle nimu! Murde tr-rlrpx-lzbq-ngrwamuu nzmnclz-ngrbz bade. X nzalvztr-rbr-krmu rpwa'-ngrbzle mz leplz nzlxngiti-krdr nide.

Nrpakxmrlz Kx Yr Luk 20:40

X nidr amrlx ngrdr nzmwxlrng nzvea-mou-ngrbz natq, murde ma tqamya-mopwzle drtqdr.

Nrpakxmrlz Kx Yr Jon 10:12

Ncblo kxnzawz, trnipleu ncblo kxaclve x rngine sip. Ncblo kxnzawz dwaszle sip mz nzmc-krde nzvz-krm kuli kzpeto. Zbz kuli kc sc tqlolvzpele kcng x aodalitipele kcng.

Nzryr-krbz Pol Mz Lr Rom 3:19

Krlzpeku kx nike pipx Loukxtr pibzle mz lr Jiu kcng tzmnclzbzng mz zmatq ngrde. Loukxtr pile natqdeng murde naopx kx mz nzobqkr Gct leplz amrlx nzvz-rbrng, kxmule-esz' lr Jiu o kxtrngiulrJiu, x takitrde Gct nzayrplapx-krde nidr. Dekc trpnzngr leplz kx narpile kx tubq mz nzobqkr Gct.

2 Korint 11:10

X pi-zvzbo da angidr bamu, da kc tqwai Kxnzmcpx. Murde tr-rlxpou da bamu, nimu lr Akaia Provins, murde ma tzrpi leplz kx pokia-ngrne nzglqpx-lzbq-krnge nzwztr-nrbalq-krbo bamu.

1 Timoti 5:13

X kzdq mou da, bzkq lrmakxtr nzrkabzng trau kxkqlu mz olvz kxnzabzong kxtrnznginidru blang. Murde ma tqkatxpxbzle nzsutikr drtwrdr nzwzngr. Delc, sa nasapengr drtqdr x navznepe-ngrdr mz ma amrlx. X mz nzvzne-krdr kz, sa napikitipelr kztedr, x napnztxpepwz drtwrdr nqmq kr leplz kxtrka. A' trnakrlzpelru kx nqmq krdr trka. X sa napipxlr da kx trtakitrdeu nzrpingr.

1 Timoti 5:4

A' nzmu olvz kxabzo kx rngine doa o doa ne doa nedeng, o kzdq kz kxnginide, doa lcng naokatrlr lxedr, murde na-ayzlu-mopwzlr nzaclvekr lxedr x trtedr nidr, mzli kc tztopwz-ngrdr. X mz nzvz-nqblq-krdr nzmncngr kxmrlz mz nzobqkr Gct, naokatr-ayrnr-ngrdr lr mrnyzdr, mz nzwztr-krbzlr badr.

2 Timoti 2:18

Nzvz-rlrubzng mz nzalvztrngr angidr. Murde nzrpilr kx nigu kxnzrlxngiting sc tzatulzpeng mz nzbzngr x trpe-moungr nztulzkr nrkrdrtqgu kalr. Nzalvztrngr lc tqatrkatipebzle nzrlxngitikr kzdung leplz.

2 Timoti 3:6

Kzdung leplz kxnzmulr lcng nzprtrpzng mz ma nyz olvz kcng nzrlxngiti-krdr trxplru, mz nzesabrti-krdrleng mz nzalvztr-rbr-krdr. X olvz lcng nzvz-nqblq-txpwzlr drtwrdr esz'-krdr. X o ani txpwz nzrtwz-krdr nrpa kznike vzne, murde nzrpilr narmcti-ngrdr nrwx. A' rblx nzkrlz-krdr da angidr murde suti drtwrdr alwx ngrdr namyaszpxle nzvz-nqblq-krdr Gct, kc tqngi nou nrwx.

Taetus 1:7

Ncblo kx na-aclvele dzbe lrmakxtr nangi ncblo kxtubq mz nzobqkr leplz. X bzkq kx mz drtwrde natqde nangidati zvz, trlalztqpwzu mz kztedeng, drtwrde trka ani, rmnq zlwz, ota zvz, x prlvz mzte trau.

Taetus 1:9

X natu-amqngi mz nzlxngiti-krde nzalvztrngr angidrng, murde na-alvztr-ngrde da angidr x na-atubqtile nzrkrlzkr leplz kcng nardr tryatrkapz mz da angidr.

Taetus 3:10

Lcapq-kaipz leplz kcng tzbatrpzlr nzakipx-lzbqkr lrmakxtr, murde nqmq krdr lc naesaki. X nzmu kx na-alepwzlr da lcpwz, ycmne-apqti nidr mz nzwrde krali. A' nzmu kx navz zvz nzale-krdrle, katxpx-lzbqmamu badr.