Sam 97:11 - Natqgu

¹¹ Yawe amrlzle kxnztubqng, kx nabzdr lqngi. Murde na-abrtzlvzlr nzngini-krde Gct kxtr.

Sam 97:11 ပူးပေါင်းရင်းမြစ်များ

Sam 112:4

Ipq ncblo lc kztedeng mz nzvz-nqblq-krde zmrlz ngrde, nzryckr drtwrde, x nztubq-krde. Jzsle da kx naokatrle leplz kc-kzng, mz nzngini-krbzle lrpzki badr.

Sam 18:28

Yawe, nim nou nzlu-krnge, mz nzapu-krm kxrtekatr lam pnrnge. X ayrkrpxq da kxtrka amrlx mz nzmnc-krnge, mz nzapu-krm zyzlr x nyr kxpq.

Sam 68:4

Naglqlzku Gct mz nzangrlvz-krgu drtqde. Na-amyalzku nide kc tqvoom mz dcbz. Drtqde Yawe x na-abrtz-ngrgu nzmnctr-krbzku mz mzte.

Nrpakxmrlz Kx Yr Jon 12:46

Vzmc apux zyzlr kc tqaelwapx-ngrbzle mz lr nrlc kxnamu nzrlapx-krdr, murde doa kx lxngitile ninge trnataopeu mz alwx.

Galesia 6:8

Doa kc tqvz-nqblq-zvzle nepunr drtwrde kxdrka'ngr, sa natwzle nzodati-alongr mz Hxl. A' doa kc tqvz-nqblq-zvzle Mqngrkxtr, sa natwzle nzlungr kxboi Heven.

Nzaelwapxngr 21:23

X Mzteadau lc tryzlr-ngru mz zyzlr ngr nepi o temz, murde zluli r Gct ncdr Nei Sip, dela na-angrlxpele nide.

Nzaelwapxngr 22:5

Trpnzngr nrlckxbq mrlcde, x trnzsutiu drtwrdr zyzlr ngr nepi o lam, murde Kxetu Gct sa nayzlrpx-ngrbz badr. X leplz lcng sa nanginipe-kzdr king x nzaclve-krdr tqvzpe tqvzpe. X da kx mc-rmnr-ngrbo nide lape.