Sam 97:10 - Natqgu

¹⁰ Nigu kcng tzmrlztilr Yawe napxtxpx-ngrgu da kxtrka. Murde tu-zvzbz mz nibr kxnztubqng mz nzarlapx-krbzle nidr mz mq kxdrka'-ngrng.

Sam 97:10 ပူးပေါင်းရင်းမြစ်များ

Sam 101:3

Tr-rlr-ngrpwc'u nzprtr-krm da kxtrka brma. X pxtxpx-ngrne krkcng tzesablqtilr nim.

Sam 119:104

Okatr-zvzq ninge mz nzalvztr-krm murde nakrlzx nzti kxtubq. Delc tqmamwe-ngrne nqmq kx vz-rbr amrlx.

Sam 119:163

Trkam bange natq ngr nzpokiangr, A' mrlzm bange natqm.

Sam 121:7

Yawe arlapxle nigu mz nzkxpu-krgung amrlx, Murde namnc-zpwxku.

Sam 125:3

X tr-rlr-ngrpwzleu mz kxdrka'-ngrng nzaclve-alo-krdr mrnyzgu, nigu kxnztubqng. Murde ma tqvz-nqblqku nqmq krdr kxtrka.

Sam 145:20

Yawe, tu-zvzbzme mz nibr leplz kx nzmrlztilr nim, A' odati-atwrnr-ngrn kxdrka'-ngrng.

Sam 31:23

Nigu leplz neng Yawe naka-lzbqbzku bade. Murde aclvele kxnzvz-nqblq-zpwxlr nide, a' ayrplatipxle kxnzglqpx-lzbqng.

Sam 34:14

Prszpx nqmq kxtrka. X ale zvz da kxmrlz. X nasuti drtwrm nzmnc-zpwx-krmu badr leplz mz nrwx.

Sam 36:4

Mz nrlckxbq sc tzaoti drtwrdr nzryrlq-krdr drtwr kxtrka. Nzpxtxpx-ngrdr nzti kxtubq mz nzmrlzkr badr lrpzki kx vz-rbr.

Sam 91:14

Murde Yawe Gct rpile kx, “Sa na-arlapxx doa kx mrlztile ninge, X sa na-aclvex nide mz nzmnc-xgle-krde ninge.

Nzryr-krbz Pol Mz Lr Rom 12:9

Nivz lrm, nangi nivz angidr. Lolvz-amqngi da kxmrlzbz mz Gct, x pxtxpxngr da kxtrka.

Nzryr-krbz Pol Mz Lr Rom 7:15

X mzli kang kqlu aleki da, a' trkrlzkiu nike tqaletiking. Mz drtwrgi mrlzm bagi nzalengr da kxmrlz, a' ale-alzuki alwx kc tqpxtxpx-ngrgi.

Nzryr-krbz Pol Mz Lr Rom 7:24

Delc tqtrka-zlwzpe-ngrgi! ?Rkrlz dq kx na-arlapxle nigi mz zmatq lc tqtrka tqvzmile nigi mz nzbzngr?

1 Korint 8:3

A' mz krkcng tzmrlztilr Gct, sc tqrpile kx nidr doa nedeng. X leplz lcng tzmrlzti-kzlr kztedrng x nzrkrlz-krdr tubq.

2 Tesalonika 3:2

Krka'-kz-ngrnamu kx na-arlapxbz Gct nigr mz mq leplz kxnztrkang, kxnzvz-rbrng, x kxtrnzlxngitilru Kxetu rgu.

Jemes 1:12

Sa namrlzbz mz doa kx tu-amqngi mz nzkxpungr x drtwrde trlcu. Murde mzli kc nzkxpungr lcng nayrkrpx-ngrbzle, sa nakabz Gct bade da kc tqmrlz tqngi nzlungr kxboi. Murde esalz-ngrde kx nakabzle mz leplz kcng tzmrlztilr nide.

Jemes 2:5

Lalztq-angidrmamu, kx mzlengeng x inwengeng. Gct mcpxle kxtrnzrngiscung mz nrlc ka murde nabrti zlwz drtwrdr nide x natwzlr da kcng tqvzpxm bade mz nzngini-krde King rdr x narmctilr nzlungr kxboi Heven. Murde da lcng tqpipxle nakabzle mz leplz kcng tzmrlztilr nide.

1 Pita 1:5

A' mzli ka mz nrlc ka, zmatq ngr Gct o-ngalelvzpele nimu murde abrtrpzmu drtwrmu bade mz nzarlapx-krde nimu. X sa na-aclve-angidrle nimu navz nakrlzbzle nzyzlu-krm Jiszs. X mzli lcde, sa na-aelwapx-ate-ngrbzle bamu da kxmrlzting amrlx lcng tzvzpxmqng mz nzarlapxpe-krde nimu.

1 Pita 1:8

Murde kxmule-esz' trmcwamuu Kxnzmcpx, a' mrlztiamu nide x brti drtwrmu nide, mz nzelalz-zlwz-krm drtwrmu. X rblx nzrpingr nzetukr nzabrtz-krmu lc.

1 Jon 4:19

Nzmrlzti-krgu Gct x leplz vzpxm mz nzmrlzti-kaikr Gct nigu.

1 Jon 5:18

Da kcng tqkrlzku nidr seleng. Krlzku kx doa angidr neng Gct trnzale-zvzlru alwx, a' nzvz-nqblqlr nqmq kr Gct. X Mrlx Gct aclvele nidr, murde Setzn ma tqatrkatile nzrlxngiti-krdr.

Nzaelwapxngr 13:8

Leplz mz nrlc tulvzo sa na-angiolr Mrlx Lc Tqdrka'ngr, krkcng drtqdr trnzyrou mz Buk ngr Nzlungr sc Nei Sip kc tznibq. A' kxnzrlxngiting kcng drtqdr tzyro elr abzo mzli kc tqwzngr Gct nrlc, trtxpnzngr Mrlx Lc Tqdrka'ngr.