Sam 96:10 - Natqgu

¹⁰ Eu, napipxbzku mz neidung amrlx kx Yawe nide King r nrlc, x atu-amqngile nrlc mz trnzycngrlr-krdeu. X sa na-aclvele lr nrlc amrlx mz nzrsakrlrngr.

Sam 96:10 ပူးပေါင်းရင်းမြစ်များ

Sam 126:2

Mzli lcde, yrpale-twzku x ngr-katoku, mz nzabrtz-zlwz-krgu. Zbz sc tzrpipe lr mrkzbleng kx, “Yawe rwz-ngrbz da kxetuting kx okatr-ngrde nidr.”

Sam 18:49

Gct, sa naglqlzx nim mz mzlir lr drtqbrng amrlx, Mz nzangrlvz-krnge nim.

Sam 46:10

X rpile kx, “Bzkq ota-zvzamu. A' metxpemamu bange murde ninge txpwz Gct. X ninge txpwz kx myatxlzbz mz neidu amrlx mz nrlc tulvzo.”

Sam 46:6

A' mz nzxlrkr lr nrlc natqde nzmwxlr-zlwzng. X ngyati drtwrdr nide murde aovxio-zvzle ami ngr kandre amlrx.

Sam 58:11

X sa napibzkr bam kx, “Gct, da zpwxtx! Sa nakabzme da kxmrlzting mz leplz kxnztubqng, Murde nzaclve-krm lr nrlc tubq-esz'ngr.”

Sam 59:13

Odati nidr mz nzmilxtxo-krm nidr mz zngya ngr drtwrm. Murde leplz nakrlzlr kx nim Gct kc tqaclvele lr Israel x lr nrlc tulvzo.

Sam 67:4

Mrlz lr mrkzbleng amrlx nzangrlvz-krdr nim, Murde nzaclve-krm nidr tubq mz nzmailz-krm.

Sam 7:9

Aesaki nqmq krdr kxdrka'-ngrng x tu-zvzbz mz nibr kxnztubqng. Murde nim kxtubq-esz'ngr x obqplxq nabz x nzvzkr nardr.

Sam 9:8

Eu, murde nzaclve-krm nrlc tubq-esz'ngr, Esakrlrngr nzpipx-krm nztubqkr leplz o trtingr.

Sam 9:9

Gct, nim lrpalvc nyz kxnzobqszong. Glxx kx nim me nzrlakitrkr mzli kx prtzngr da.

Sam 93:1

Yawe, nim King kc tqmyatxlz-esz'ngr, x rngiscm zmatq. Wz-ngrn nrlc x tu-amqngio me yc-ngrde x trycngrlru.

Sam 96:13

Murde sa tqvzm mz nzaclve-krde lr nrlc. X nzayzlu-krbzle da mz leplz amrlx sa namrlz x tubq.

Sam 98:9

Nigu amrlx nangrbzku bade. Murde sa tqvzm mz nzaclve-krde lr nrlc, X nzayzlu-krbzle da mz leplz sa natubq x narsakrlrngr.

Matiu 3:2

Rpibzle kx, “Tekqtramu nqmq nr drtwrmu mzli ka, murde Gct ycpe pipz nzvectr-krmle leplz mz nzmnclz-krbzlr bade mz nzngini-krde King rdr.”

Aposol 17:31

Murde pipx-pnzle kx mz Mzli Kxmatq kc navzm nzayzlu-krbzle da mz leplz natubq. X mcpxpele Jiszs mz nzale-krdele. Murde aelwapx-ngrbzle mz leplz amrlx kx sa tqalele da lc mz nzatulz-mou-krmle Jiszs mz nzbzngr.”

Kolosia 2:7

Nabzmu namqngitrpz bade, na-apule nounc kc dzbrde tqvzo mz drtc'. X nzmnc-krmu naxplr na-apule ma kc tzwzti, tqngi noude Jiszs. Tu-amqngi-zvzamu mz nzrlxngiti-krmu nrpa kc tzalvztr-ngrmu. X bzkq esaki nzawi-zvz-krbzmu mz Gct.

Hibru 1:3

Kraes aotr-angidrle Gct Trtede. X nqmq krdeng amrlx nzaelwapx-zpwxlr nqmq kr Gct x zmatq ngrde. X da amrlx lolvz lxblr zmatq ngr natqdeng. Mz nibr nzrkatx-krde alwx ngr leplz, wxbu me matq-esz'ngr Heven mz nrlar Gct Trte kxrtc.

Nzaelwapxngr 11:15

Zbz enjrl krarlimz kx vxutrle kc trpu nede, kzdung natq kxetung Heven nzrpilr kx, “Zmatq ngr nznginingr King mz nrlc ycbz mz Kxetu Gct rgu ncdr Kxnzmcpx nede. X Gct sa tqaclve mzli ka x nzaclve-krde tqyc tqyc!”

Nzaelwapxngr 19:11

Zbz obq-rmwible-moux, x mcx nzobqkr naonrx ngr Heven, x mcx kzdq hcsi kxprki. X Kraes kc tqwxbuom elr nzrpibz ‘Kx brti drtwr’ x ‘Kx atutr zvz natqde.’ Drtwr kcng tqyrlqpeq x nzrtwz-krde vea rsakrlrngr x tubq zvz.

Nzaelwapxngr 19:6

Zbz xlr-moux kc natq kx apule nzycmne-katokr zbo ngr leplz, x apu-kzle nzyrlekr me talipx ngr lue, x apu-kzle nzyrpupxkr bzlrmei. Nzrpilr kx, “Awi Yawe! Naglqpxku Gct! Murde Kxetu Gct kc tqrninr, nide txpwz King r leplz amrlx.