4 Nzpivxitilr da kxtubq, X nzbilvzlr nzale-krdr alwx.
A' mzli kc na-ayrplapx-ngrn kxdrka'-ngrng, Mrlzm bagr nzayrplapx-kz-krm kzdung nigr Kcng tzpxtxpx-ngrdr nzvz-nqblqngr nim. A' amnc zpwx nigr lang.
Natqdr nzlvati apule nipna kr ningidoe kc tqrtq, Mz nzrpikitingr x nzrpibqtingr.
X na-aesakile natq kxnzpokiang x kxnzglqpx-lzbqng, Kcng tzxtrnga-ngrdr kxnztubqng.
Kxmule-esz' nim ncblo kxetu kxmatq, a' bzkq glqpx-lzbqq mz da kxtrka kcng tqaleq, Murde Gct vz zvz nzangidati-krde natqde.
Batrpz mz nzglqpx-lzbq-krdr nzatao-mou-krde nidr. Murde mz nzycmne-krdr natqdrng ngi dalr alwx, mz nzrpibqtingr x nzpokiangr.
Drtwrdr nzamqmqlr x natqdr nzapulr toki r vea kxmalc. Mz drtwrdr nzrpilr trpnzngr kx rkrlztrpz x trpnzngr nzayrplapxngr nidr.
A' kx nzxlrlr natq lc, sc tzrpipelr kx, “Beelsebol ela, kxetu r ma ngr wq, nide kc tqaclvele drka' amrlx x sc nide kc tqrkabz bade zmatq mz nzmaszlrpx-krde drka' mz leplz.”
Nimu doa neng kxdrka'-ngrng kxnzodang. X rblxbz bamu nzrpi-krmu da kxmrlz. Murde ncblo krla tqpipxle da kx yclzm mz nabzde.
