1 Mz nzmnc-xgle-krm Yawe kc tqmyalz-esz'ngr Sa natubz mz nibrm.
Yawe ngi tegu badr, X tu-zvzm mz nibrgu,
Aclve angidr ninge na-apule dztum kx matq zlwz mz drtwrm. X amnc-kapqbz ninge da kc tqwai kio mz nzwxbulvzo-krde neideng.
Olvz x ncblo lcng sa namnc-zpwxng. Oliqtibz drtc' kc tqpibzme, murde doa nedrng namnc-kzng elr.
Murde krlzx kx sa na-aclve-angidrq ninge mz mzli r nzkxpu-krnge. X na-amnc-kapqq ninge mz Mangr-nzangiongr nim, mz nzngini-krm butqbr kx rlakitrx.
Leplz nemqng nzrlapxng mz drtwr kx nzyrlq enqmi rdrng x nznelvztingr nidr, Murde amnc-aepztrpzme nidr bam.
Nim me rlakitrx x ayrbqpxq ninge mz da kxprtz. Mzli lc tqxlrx nabz kxyrlvi kx nim nou nzrlapxngr.
Gct, nzaodu-krm leplz mrlz-zlwzm bagr, Murde apusr-ngrm nigr nei kio kcng tzwxbulvzong lxedr.
A' ninge sa na-apux nc olivi kc dzbrde tqtu-amqngi mz nzmncpx-krmc Mangr-nzangiongr, Murde vz zvz nzbrtikr drtwrnge nzaodu-alokr Gct.
Gct, nayc mz drtwrm ninge mz nzaelwa-krme bange nzmrlz-esz'ngr-krm, Murde mnc-xglex nim mz nzmnc-zpwx-krnge mz mzlir nzkxpungr kxtrka. X na-apux nei bona kc tqmnclzbz mz nabx lxede, Mz nztu-krme mz nibrnge, navz navz mzli kx ayrkrpx-ngrn nzodangr.
Kxetu, yzutr pnz mzli kc, krlzmle mzbq ka Nzngini-krm me rlakitrkr.
