2 Angrlvzx drtqm. Bilvzx nim kc tqmyalz-esz'ngr.
Yawe, awibo bam mz nabznge atwrnrngr. X angrlvzx nim mz mz kxnzmatqng.
X ngr-ngrgr nabz ngr nzawingr Mz nzale-krm da kxmrlzvxiting.
Sa nabatrpe' nzaovxio-krnge enqmi lcng tztu-ngalelvzlr ninge. X sa namalq-zlwzx nzka-krbo bam blz mz Mangr-nzangiongr nim. X nangr-ngrbo bam nabz ngr nzawingr.
Nim lrpalvc nyznge x temz ngr lomrnge kc tqyrputrngr nipna. Abrtrpo drtwrnge bam x okatr-zvzq ninge. Delc tqelalz-ngrm drtwrnge X tqawi-zvz-ngrbo bam mz nzngrngr.
X na-angiox nim mz olta nyzm, Mz nzngini-krm nou nzabrtz-krnge. X na-angrlvzx nim mz nzayrni-krbo gita bam.
A' leplz amrlx kcng tzabrtrpzlr drtwrdr bam na-abrtzng. X nangr-along mz nzelalz-krm drtwrdr. Aclve-angidr kxnzmrlztilr nim Murde nabilvzlr nim.
Nangrx mz nzglqlz-krnge Yawe kc tqmyalz-esz'ngr! X na-awibo bade murde tubq-esz'ngr!
X mzli lc, sc tzkrlz-atepelr kx nim txpwz Gct kc tqmyatxlz-esz'ngr x drtqm Yawe. X nim King kc tqaclvele nrlc tulvzo.
Murde nabznge atwrnrngr na-awibz bam mz nzngini-krm Gct x Kxetu rnge, X na-angio-zvzx drtqm.
Yawe myatxlz-esz'ngrn. X mrlzvxitxm bange nzawi-krbo bam X nzglqlz-krnge nim, Mz nzayrningr gita x ukzlele, Mzli kznike angrlvz-ngrne nivz lrm mz nourla, X nzyrlq-angidr-krm natqmqng mz milzpq.
Murde aelalz-ngrme drtwrnge da kxetuting kcng tqwz-ngrn. X nangrbo mz nzabrtzngr mz da lcng tqaleq.
Napipxbzku mz leplz amrlx Da kxmatq x da kxmyapxbz kcng tqaletileng.
Delc, nigu kcng tztubqng na-abrtzlvzku Yawe, Mz nzawi-krbzku bade.
Murde lr nrlc amrlx nzmnclzbzng mz zmatq ngrm, X nzmyalz-zlwz-krm myaszpxle kxnzmncng mzlilxlr amrlx.
Naelalz-zvz-ngrm drtwrmu Kxetu rgu. X napi-mopwc' kx, naelalz-ngrm drtwrmu.
