Sam 9:17 - Natqgu

¹⁷ Mz nzesablqti-krdr Gct, Nabz-ngrdr leplz ngr nrlc.

Sam 9:17 ပူးပေါင်းရင်းမြစ်များ

Sam 106:13

A' mzli trboiu sc tqmrbrtrpe mz drtwrdr nikeng aletiq, Mz nzvz-nqblq-kai-krdr me pnz drtwrdr x nim kc ate.

Sam 44:17

Kxmule-esz' nzprtzmqng bagr da lcng A' trmrbrtru mz drtwrgr nim x Nzesz'tikr Drtwrgu.

Sam 44:20

Gct rgr, nzmu navecpx-lzbqmgr bam, Mz nzangio-krgr gct kzble,

Sam 49:14

Apule kx nzbzngr nide kxetu rdr kc tqmailzle nidr mz gq lrdr, Mz nzapu-krdr sip. X kxnztubqng sa navzneng wq mrkc tzyrtzmqngr namz ngrdr. X mz nzmibi-krdr, nzyc-rlrubzng mz ma nyzdr.

Sam 50:22

“Mzli ka natekqtramu nqmq krmu, Murde ma tqodatitxne nimu X sc trpengr kx na-arlapxle nimu. X bzkq mrbrtr mz drtwrmu nzamatq-krmu ninge.

Nzaelwapxngr 20:15

X krkcng drtqdr trnzyrou mz Buk ngr Nzlungr, nzrtco-ngrng mz Dxbu Nyr. X leplz lcng mrlc nzlakipx-lzbqpeng badr Gct, tqyc tqyc.

Nzaelwapxngr 21:8

A' krkcng tzmwxlrtilr nzbz-krdr mz nzvz-nqblq-krdr Jiszs, nzesablqtilr nide, x nzprszpxlr nide mz nzangio-krdr gct kx trngiu Gct angidr, nzrnibqng, nzrmwiming doa kx trngiu krnalzdr, nzrngineting dabo, nzangiong mqngr drka' kxnzlz, x nzpokiang. Leplz lcng sa nartco-ngrng mz Dxbu Nyr kc tqngc mz rplz salfz. Krlc nzbzngr kxrmnrngr, x leplz lcng nzlakipx-lzbqmqng bange, tqyc tqyc.”