Sam 9:10 - Natqgu

¹⁰ Gct, krkcng tzkrlzlr nim nzabrtrpzlr drtwrdr bam. Itoto x doa amrlx kcng tzrtangrtilr nim, trmrbrtru mz drtwrm.

Sam 9:10 ပူးပေါင်းရင်းမြစ်များ

Sam 5:11

A' leplz amrlx kcng tzabrtrpzlr drtwrdr bam na-abrtzng. X nangr-along mz nzelalz-krm drtwrdr. Aclve-angidr kxnzmrlztilr nim Murde nabilvzlr nim.

Sam 57:1

Gct, nayc mz drtwrm ninge mz nzaelwa-krme bange nzmrlz-esz'ngr-krm, Murde mnc-xglex nim mz nzmnc-zpwx-krnge mz mzlir nzkxpungr kxtrka. X na-apux nei bona kc tqmnclzbz mz nabx lxede, Mz nztu-krme mz nibrnge, navz navz mzli kx ayrkrpx-ngrn nzodangr.

Sam 91:14

Murde Yawe Gct rpile kx, “Sa na-arlapxx doa kx mrlztile ninge, X sa na-aclvex nide mz nzmnc-xgle-krde ninge.

Nrpakxmrlz Kx Yr Jon 17:3

Drtwr ngr nzlungr lc tqboi ngi nzrkrlzngr nim, Gct angidr kc esz'txu, x ninge Jiszs Kxnzmcpx kc tqatwzlr-ngrme mz nrlc.

2 Korint 4:6

Mzli kc tqwzngr Gct nrlc, rpile kx, “Zyzlr nayzlrpx-ngrm mz nzlo.” Mz nqmq lcpwz, Gct katxde da kx akamrbr-ngrbzle nqmq nr drtwrgu, mz nzayzlrpx-krmle nzalvztrngr angidr mz drtwrgu, murde nargu nayrplatitrlr drtwr ngr nrpa ngrde. X mzli ka mz nzkrlzpe-krgu Jiszs Kxnzmcpx x nqmq krdeng, nakrlz-kzku kx nqmq kr Gct mrlz-esz'ngr.

2 Timoti 1:12

X mzli ka, mz nzwztr-krnge lc mz Nrpakxmrlz, dekc tqaetqmle drtqnge x tqmncpx-ngrmc mz presin. A' trmya-ngru drtqnge. Murde krlzx Gct kc tqabrkitrx drtwrnge. X lxngitix kx sa nabatrple Nrpakxmrlz kc tqaprcmle bange nzryapwxtipx-zvzngr nakrlzbzle nzyzlu-krm Jiszs.

1 Jon 2:3

Nzmu nayrlq-angidrku da kcng tqalvztrngr Kraes, krlzku kx nepede nigu.

1 Jon 5:20

X krlz-kzku kx Mrlx Gct vzm mz nzokatr-krde nigu murde nakrlz-zpwxku Gct angidr. X na-axvctrpzku bade mz nzaxvctr-lzbqpe-krbzku mz Mrlxde Jiszs Kxnzmcpx, kc tqngi kz Gct angidr x nou nzlungr kxboi.