Sam 9:1 - Natqgu

¹ Awi Yawe! Naglqpx-atwrnr-ngrne nim. Ale-zvzq da kcng tzkctipxng, x napipxxng.

Sam 9:1 ပူးပေါင်းရင်းမြစ်များ

Sam 106:2

Trpnzngr leplz kx rkrlz nzrpipx-angidrngr rkx amrlx kcng tqwz-ngrde, X nzrglqlzngr amrlx trkrlzpxpwzleu nzmyalz-esz'ngr-krde.

Sam 111:1

Awi Yawe! Glqpxku Yawe! Bilvzx nide mz nabznge atwrnrngr, mz nzyrlwr-lxblr-krgr badr leplz nedeng.

Sam 138:1

Yawe, awibo bam mz nabznge atwrnrngr. X angrlvzx nim mz mz kxnzmatqng.

Sam 26:7

X ngr-ngrgr nabz ngr nzawingr Mz nzale-krm da kxmrlzvxiting.

Sam 51:15

Kxetu, okatrp ninge Murde naglqlz-ngrne nim nivz lrm.

Sam 7:17

Nangrx mz nzglqlz-krnge Yawe kc tqmyalz-esz'ngr! X na-awibo bade murde tubq-esz'ngr!

Sam 86:12

Murde nabznge atwrnrngr na-awibz bam mz nzngini-krm Gct x Kxetu rnge, X na-angio-zvzx drtqm.

Sam 9:14

Kxarlapx, naelalz-ngrm drtwrnge nzarlapx-krm ninge. Leplz kxkqlu Jerusalem sa naxlrlr nzglqlz-krnge nim.

Nrpakxmrlz Kx Yr Luk 10:27

Rpibz ncblo kc kx, “Mrlzti Yawe, Gct ngrm mz nabzm atwrnrngr, x mz nzwikr nelzm atwrnrngr, x mz zmatq ngrm atwrnrngr, x mz drtwrm atwrnrngr. X mrlzti kztemqng da kc tqwaiq nzmrlzti-lzbq-krm.”

Hibru 13:15

Mz nzmu-krde lcde, mz nzaxvctr-krbzku mz Jiszs, narlrpx-zvz-ngrbzku blz ngr nzglqlz-krgu Gct, mz nzawingr. Murde takitrde leplz kx nzpipxlr kx nide Kxetu Lod rdr nzale-krdr da lc.

Nzaelwapxngr 15:3

X nzngr-ngrdr nabz ngr nzmyalz-esz'ngrkr Gct mz nzarlapx-kai-krde leplz nedeng mz kxnzawz nede Mosis, x mz Nei Sip kc ate. Nzrpilr kx, “Yawe, Gct kc tqrninr, King abzo mzli kc bqnc Krlzmle mzli ka, nzwz-krmqng myapx- Esz'ngr x kctipxkrng. Nqmq krmqng da angidr, X tubq-esz'ngr. Leplz nzamrluelr nim. X trpnzngr kx napxtxpx-ngrde Nzglqlz-krde nqmq krm. “Nim txpwz kxtr-esz'ngr, X nzamrluelr nim. Trpnzngr leplz kx napxtxpx-ngrde Nzglqlz-krde nqmq krm. Murde nqmq krmqng kxtubq, Lr nrlc amrlx sa navzmqng Mz nzangio-krdr nim. Murde aelwapxpe-ngrn nqmq krmqng kxtubq, Tubq-esz'ngr, eu.”