Sam 89:4 - Natqgu

⁴ Rpibzme bade kx, “Ncblo kcng tzvzpxmqng mz neidu lrm, sa nanginipwzlr king, Murde nqvi lrm na-aclve alo.”

Sam 89:4 ပူးပေါင်းရင်းမြစ်များ

Sam 132:11

Murde esalz-ngrbzme bade da kx trnzkatxu, Mz nzrpi-krbzme bade kx, “Sa nayrlqbo dq mrlxm kx nanginide king kx na-aclvele lr Israel mz nibrm.

Sam 132:12

X nzmu mrlxdrng nayrlq-angidrlr nzesz'tikr drtwrgr badr, X navz-nqblqlr natqnge kc tqkapxbo badr, Sa nangini-zvzdr king, Badr mrlxdrng, tqyc tqyc.”

Sam 72:17

King lc nadcpx zvz mz drtwr. X drtqde nayc zvz mz nzapu-krde nzti-zvzkr nepi. Murde sa nanginide nou nzamrlzkr Gct leplz amrlx mz nrlc, Mz nzkrlz-krdr kx matq-esz'ngr mz nzobqkr Gct.

Sam 89:1

Yawe, sa nangr-zvz-ngrne nzaodu-krm, Kc tqyc tqyc. X sa nayapwxtipx-alox nzangidati-krm natqm, Kc tqyctx alo, da kc tqwai bongavz.

Sam 89:29

X nzyrlq-krbo nzaclvekr nqvi lrde tqyc tqyc, Da kc tqwai nzyc-alokr bongavz.”

Sam 89:36

X nzaclvekr nqvi lrde tqyc tqyc, Da kc tqwai nzti-alokr nepi x nzprtz-krm temz x nztao-krde.”

Sam 89:50

Bzkq mrbrtr mz drtwrm nzobqszokr leplz ninge, kxnzawz nem, Murde kxnzmnc-mrbr lcng sc tzbilvztipelr ninge.

Nzryr-krbz Pol Mz Lr Rom 15:12

X rpi kz profet Asaea kx, “King kxmrna sa naprpxm mz nqvi lr Jesi. X na-aclvele kxtrngiulrJiu. X sa na-abrtrpzlr drtwrdr bade.”

Nzaelwapxngr 22:16

“Ninge Jiszs. Ninge lc tqatwzlr-ngrbo enjrl nenge bamu mz nzpipx-krbzle da lcng bamu, nimu kxnzrlxngiting mz makxtr kcng rlimz. Vzpx-angidrmc mz nqvi lr melrmqnge King Devet. X apux Paglxnrlc, mz nzaelwapx-krnge Zbq Kxmrna ngr Gct.”