Sam 86:2 - Natqgu

² Nim Gct rnge. Arlapx ninge mz nzbzngr murde tenge nim, X ninge kxnzawz nem kc tqmnc-xgle-zvzle nim.

Sam 86:2 ပူးပေါင်းရင်းမြစ်များ

Sam 119:94

Arlapx ninge, murde ninge doa nem, X abz-zvzx nzale-krnge nzalvztr-krmqng.

Sam 13:5

Murde abrtrpo drtwrnge mz nzaodu-krm kc tqyc tqyc. X sa na-abrtz-zlwz-ngrne nzarlapx-krm ninge.

Sam 143:12

Lolvzting enqmi rngeng x milxtxo alo nidr. Murde aodu-zvzq ninge, kxnzawz nem.

Sam 16:1

Yawe, arlapx ninge, Murde nim kx abrkitrx drtwrnge.

Sam 18:19

Mailzle ninge me nzmnc-zpwx-ngrne, X arlapxle ninge, murde abrtzlvzle ninge.

Sam 31:1

Yawe, nim me rlakitrx. Bzkq rlrpx-ngrn nzaovxiokr enqmi rngeng ninge. A' arlapx ninge, murde ale-zvzq da kxtubq.

Sam 31:14

A' Yawe, nim Gct rnge, X abrtrpo drtwrnge bam.

Sam 4:3

Murde nakrlzamu kx Yawe mcpxle nigr leplz kxnztubqng kx nanginedeng. X mzli kc nakrka'-ngrbo bade, sa na-ayzlumle natqnge.

Sam 50:5

X rpibzle mz lr Heven kx, “Vzmimamu krkcng tzlxngitilr ninge, X drtwrgr badr tqesz'ti mz nzangc-krmlr bange blz krdr, murde nayrlwr-ngalelvzlr ninge.”

Nrpakxmrlz Kx Yr Jon 12:26

X mrlx kznike nawztrp bange navz-nqblqmle ninge, murde kxnzawz nengeng sa namnc-zvz-kzng mrkc namnc-ngrne. X Trtenge sa na-amatq leplz amrlx kcng tzwztrpqng bange.”

Nrpakxmrlz Kx Yr Jon 17:11

Mzli ka trnamncpewxu mz nrlc, a' na-amnctxpwc'ng nidr mz nrlc mz nzvzpe-krbo bam. Trte, nim tr-esz'ngr. Delc aclve-angidrbz leplz lcng mz zmatq ngr drtqm kc tqkame bange, murde naesz'ting da kc tqwaiki nzesz'ti-krgi.

Nzryr-krbz Pol Mz Lr Rom 9:18

Mz nzmu-krde lcde, opx angidr kx Gct ycngr drtwrde kzdung leplz, mz nzvz-nqblq-krde me pnz drtwrde. X batr-kzpzle nzmqngikr nar kzdu-kzng leplz, vz-nqblq-kzle me pnz drtwrde.