Sam 86:11 - Natqgu

¹¹ Yawe, aelwa-ngrm bange me pnz drtwrm, murde navz-nqblqx natqm. X alvztrp bange nzamrlue-zvz-krnge nim.

Sam 86:11 ပူးပေါင်းရင်းမြစ်များ

Sam 119:30

Pnzpe drtwrnge kx navz-nqblq-zvzpex nim, Mz nzale-zvz-krnge me pnz drtwrm.

Sam 119:33

Eu Yawe, alvztrp bange me pnz drtwrm, Murde nayrlq-zvzx.

Sam 119:73

Lalztqm mz nzkrka'-krnge murde nakrlzx me pnz drtwrm, Murde wz-ngrn ninge x aclve-angidrq ninge.

Sam 25:12

Nekeng nzlxngiti-angidrlr natqm, Nzo-zlilr lrpzki angidr mz nzalvztr-krm nidr.

Sam 26:3

Murde nivz lrm rtwayz-zvzm bange, X nzaodu-krm mailz-zpwxle ninge.

Sam 27:11

Alvztrp nqmq krmqng bange. X mailz ninge mz nzo-zli-zvz-krnge nzti kx tubq murde enqmi rngeng sa tzaukztilr ninge.

Sam 5:8

Yawe, mailz ninge mz nqmq krm kxtubq, murde enqmi rnge nzkqlu-zlwzng. X aelwa-zpwx-ngrm bange me pnz drtwrm.

Aposol 2:46

Mz zbq kang kqlu drtwrdr esz'ti mz nzyrlwr-lxblr-krdr mz makoa ngr Mangr-nzangiongr. X nzyrlwr-lxblr-kzng mz ma nyz kztedr mz nzabrtzngr x mz nzavzo-lzbq-krdr. Nzmukxtr-kaing x mz nibrde sc tzmu-lxblrpeng.

1 Korint 10:21

Murde Gct tr-rlr-ngrpwzleu nzrmnqo-krmu mz kap sc Kraes, x mz nibrde krsc kz drka'. X tr-rlr-kz-ngrpwzleu nzmu-krmu bret kxtr, x mz nibrde dakxnzng kx nzkabz mz drka'.

1 Korint 6:17

A' mz nzaxvctr-lzbqpe-krbzme mz Kxetu Jiszs Kraes, prtrpeq mz Mqngr Kraes.

2 Korint 11:3

A' mwxlrtix kx Setzn sa na-avz-rbrbzle drtwrmu x nabatrpzle bamu nzvecpx-lzbq-krmamu mz nzmrlztitx-krpwzmu Kxnzmcpx, da kc tqwai pnz Setzn mz nzesabrti-krde Iv.

Efiszs 4:21

Murde mzli lc tqxlrpe-ngrnamu kx nzmnc-krmu navz-nqblq-zvzle natq angidr kc tqalvztrngr Jiszs.

Kolosia 3:17

Da amrlx kcng tqaleamu x tqpiamu, nartrngztibzmu mz nzngini-krmu leplz neng Kxetu rgu Jiszs. X na-awi-ngrbzmu mz Trtegu Gct da kxmrlzting amrlx kcng tzvzpxmqng mz nzaxvctr-krbzmu bade.

2 Jon 1:4

Rmctix kzdung doa nemung, x abrtztx-ngrne nzmc-krnge nzvz-nqblqbe-krdr nzmncngr angidr, da kc tqwai Gct Trte nzkapx-krde natqde kx nayrlq-angidrku.