6 Trtingr! Axplr-mop nzlu-krgr, Murde na-abrtz-ngrgr nim.
X kxmule-esz' nzkxpungr nzprtzmqng bange, a' amnc-zpwxq ninge. X tu-zvzme mz nibrnge mz nzngyatikr drtwr enqmi rngeng ninge. X arlapxq ninge mz zmatq ngrm.
Nigu lr Israel na-abrtzlvzku Yawe mz nzngini-krde Kxrpalz. X nigu lr Jerusalem naelalz-ngrm drtwrgu King rgu.
Sutitx zlwz drtwrnge kx Gct rgu kc Saeon na-arlapxle leplz nedeng. Murde mzli kc nayzlu-mou-ngrmle, namnc-zpwxku badr. X nigu lr Jekop drtwrgu sa naelalzm. X nigu lr Israel sa na-abrtz-ngrgu da lc.
X kxmule-esz' batrpe' nzetukr nzkxpu-krngeng, a' krlzx kx sa na-amrna-mowq nzlu-krnge, Mz nzarlapx-krm ninge mz gq.
?Gct, memule tqrtctx-alope-ngrn nigr, Mz nzngyatikr drtwrm nigr sip nemqng?
?Nzaodu-krde nigr sa nayrkrpx-alope? ?X nzesz'tikr drtwrgr badr naesakipe?
Zbz trnaesablqtikru nim, A' naglqlz-zvzpekr nim mz nzalu-krm nigr.
Namc-zvzkr nzaodu-krm nigr mz nourla kang kqlu, Murde navz zvz nzangrlvz-krgr nim mz nzabrtzngr.
