Sam 80:1 - Natqgu

¹ Gct, myaszlzq enjrl kxnzetung. X aclve-zvzq nigr doa neng Josip, Mz nzapu-krgr sip nemqng. Lalztqm bagr, nigr doa neng Israel.

Sam 80:1 ပူးပေါင်းရင်းမြစ်များ

Sam 45:1

King rnge, krlc nabz nenge kx nangr-ngrbo bam. Nabznge esz'ngr natq kxmrlzting. X nzngqpx-krm natq mz naonge Apule nzyrlepx-krm lue mz butqbr.

Sam 5:1

Yawe, nim King x Gct rnge. Rlxtibo bam kx naxlrme natqnge, X na-aoti kz drtwrm, mz nzatutr-krm nzkrka'-krnge.

Sam 50:1

Yawe, nide Gct kc tqxplr esz'ngr. X zluli rde pnamilxtile mzteadau Jerusalem kc tqlqngi. A' nrlc ycngrlrlzm mz nzvz-krmle, Murde nyr wounepx kai mz nzangc-krde da amrlx, X nounenq o-ngalelvzle nide. X kqlele lr Heven mz nzayrlwr-lxblr-krdr leplz amrlx mz nrlc.

Sam 55:1

Gct, xlrm nzkrka'-krbo bam. X bzkq drtqm satrp nzycmne-krbo bam.

Sam 60:1

Gct, mz nzngyatikr drtwrm nigr, drtqm satrpem bagr. X batrpeme mz enqmi rgrng nzprtr-krmlr mz nzawxo-krdr bz ngr nrlc nyzgr. Nzatrkati-krdr nigr apule nengq mz nzaglqwiti-krde drtc'. X da amrlx trnzaxvctrpeung. Dea-ngrgr vznepe mz nzvzne-krgr apukr ncblo kxnzrmnqng, Mz nzaetqtitx-zlwz-krbzme drtqgr, nigr leplz nemqng. A' suti drtwrgr nayzlu-mopwe' bagr Mz nzamrlz-mou-krm drtc' nyzgr, murde namnc-zpwx-moukr.

Sam 69:1

Gct, pi-zvzbo bam kx, “Arlapx ninge!” Murde nzkxpu-krngeng nzaetunepxpeng. X apupex rplz kc namrbropebz mz nrlr.

Sam 77:20

X mailzq leplz nemqng mz nzapu-krdr sip, Mz mq Mosis x Eron.

Sam 78:52

Mz nibrde sc tqrtwayzpebz mz leplz nedeng mz nzrlasz-krdr Ijipt. X mailztrle nidr lzke mz nzapu-krdr sip nedeng.

Sam 78:67

Gct trsutiu drtwrde doa neng Josip, X sc tqrlaszpele drtc' nyz Efrem, kzdq mrlxde.

Sam 80:19

Yawe Gct kc tqrninr, mz nzaodu-zvz-krm nigr, arlapx nigr, X ka-mop bagr nzxplr-krgr kc pnz.

Sam 80:3

Gct, mz nzaodu-zvz-krm nigr, arlapx nigr, X ka-mop bagr nzxplr-krgr kc pnz.

Sam 80:7

Gct kc tqrninr, mz nzaodu-zvz-krm nigr, arlapx nigr, X ka-mop bagr nzxplr-krgr kc pnz.

Sam 94:1

Yawe, nim Gct kc tqayzlubz mz leplz kxnzvz-rbrng da kxnzalelr. Aelwapxngr zmatq ngrm.

Sam 99:1

Yawe nide King, kx myaszlzle enjrl kcng tzmatqng tztu-ngalelvzlr tron nyzde. X leplz amrlx mz nrlc tulvzo narnrcti-lzbqtr-ngrbzlr bade.

Nrpakxmrlz Kx Yr Jon 10:14

Ninge Kxaclve Angidr sip. Krlzx sip nengeng x nzkrlzlr ninge, da kc tqwai nzkrlzkr Trtenge ninge x nzkrlz-krnge Trtenge. X rlrpx-lzbq-ngrne mz nzbz-krnge nidr.

Hibru 13:20

Krka'-ngrne kx Gct kc tqngi nou nzmnc-zpwxngr nakabzle bamu da amrlx kcng trpnzngr bamu mz nzale-krmu me pnz drtwrde. X nabatrpzle bamu nzaelalz-krmamu drtwrde, mz nzokatrkr Jiszs Kxnzmcpx. Murde Gct yrlqpele Nzesz'tikr Drtwr Kc Ate tqyc tqyc, mz nzyrlekr mepyr ngr Kxetu rgu Jiszs. X atulz-mople nide mz nzbzngr, murde nanginide Kxaclve Sip Kxmyapxbz. X nzrglqlzngr Mevalu Jiszs navz zvz. Eu, angida.

1 Pita 2:25

Mzli kc apuamu sip kx nzmrbrng kcng tzmnc-rlrubzng mz kxetu rdr. A' mzli ka yzlupebzmu mz Kxetu kc tqaclve-angidrle nimu mz nznginipe-krmu sip nedeng.

1 Pita 5:4

Murde Jiszs nide kxetu r kxnzaclvelr sip nedeng. X mzli kc nayzlu-ngrmle, sa nakabzle bamu da kxmrlz kx nayc alo mz nzprtr-krmu mz nzmyalz-krde.

Nzaelwapxngr 21:23

X Mzteadau lc tryzlr-ngru mz zyzlr ngr nepi o temz, murde zluli r Gct ncdr Nei Sip, dela na-angrlxpele nide.