Sam 79:11 - Natqgu

^11-12 Kxetu, ayzlu-ebir-ngr-mopwz badr Nikeng nzalelr mz nzobqszo-krdr nim. X arlapx kz nigr leplz nemqng kcng tzlolvztilr, murde ma tqbzkr, Mz nzayzlu-krme nzyrni-krbzkr bam.

Sam 79:11 ပူးပေါင်းရင်းမြစ်များ

Sam 102:20

Xlrle nzyrni-krgu mz presin, X aopxbzle drtqgu, nigu kcng tzpipx kx nanibqng.

Sam 102:21

X xlrpe-kzle nzngrkr leplz ngr mrkcng amrlx Mzli kc tzyrlwr-lxblr-ngrdr Jerusalem, Mz nzangio-krdr nide, X nzglqpx-krdr drtqde.

Sam 12:5

A' Yawe rpile kx, “Mcpex nzaetq-ngrbz drtq kxnzkxpung, X nztangqgxkr kxnzmwati drtwrng. Delc na-arlapxx nidr mzli ka. Da kc tqwai nzsutikr drtwrdr le.”

Sam 69:33

Murde lalztqbzme mz kxtrnzrngiscung, X trmrbrtru mz drtwrm leplz nemqng kcng tzkxpung.

Matiu 6:13

X arlapx nigr mz zmatq ngr Setzn, mz nzokatr-krm nigr mz nztu-amqngi-krgr mz nzatalzngr. X awi mz nzayzlu-krme natqgr, mz nzngini-alo-krm king rgr, mz zmatq ngrm kc tqyc tqyc. Eu, angida.’”

Efiszs 3:20

Mzli ka takitrde nzglqlz-krgu Gct. Murde krlzle nzalengr da kx myaszpx-zlwzle da amrlx kx rlxtibzku bade x myaszpx-kzle da amrlx kx aoti drtwrgu. X alele da lcng mz zmatq ngr Mqngrkxtr kc tqalu-zvzle nabzgu. Murde nigu lrmakxtr, mz nzaxvctr-krbzku mz Mevalu Jiszs, na-amrlue-zvzku nide, tqvzpe tqvzpe. Eu, angida.