Sam 77:7 - Natqgu

⁷ ?Myx kxmule, Kxetu sa napxtxpx-alope-ngrde nigr? ?X trpengr nzmrlzti-mou-krde nigr?

Sam 77:7 ပူးပေါင်းရင်းမြစ်များ

Sam 4:5

Zbz na-abrtrpzmu drtwrmu bade, X nakabzmu bade blz, mz nzvz-nqblq-krgu natq kc tqkapxmle bagu.

Sam 44:9

?A' memule drtqm tqsatrpe-ngrmle bagr, trokatrpe-ngrnqu ncblo ngr vea negrng? Mzli ka rlrtx-ngrpwzme mz enqmi rgrng nzamyati-krmlr drtqgr.

Sam 74:1

?Gct, memule tqrtctx-alope-ngrn nigr, Mz nzngyatikr drtwrm nigr sip nemqng?

Sam 79:5

?Yawe, ngyati-alope drtwrm nigr? ?Myx kxmule, zngya ngr drtwrm lc tqapule nyr, kx na-angc-alopele nigr?

Sam 85:1

Yawe, yc ngr drtwrm lr Israel mzli kc pnz, Mz nzamnc-zpwx-mou-krm nidr mz drtc' nyzm.

Sam 85:5

?Myx kxmule, nangyati-alope drtwrm nigr, X trpengr nzyzlukr drtwrm?

Sam 89:38

Yawe, rpiq da lc, a' mzli ka drtqm satrpem bange x rlaszpeq ninge, Mz nzngyati-moukr drtwrm ninge, king kc tqmcpxq.

Sam 89:46

Yawe, bzkq mnc-rlrume bagr. X bzkq apqtipeq nigr mz nzngya-zlwzkr drtwrm.