Sam 75:1 - Natqgu

¹ Gct, awitx-ngrbzkr bam mz nzmnc-aepztr-krme bagr. Aleq da kxmrlzting. Gct, awitx-zlwzbzkr bam.

Sam 75:1 ပူးပေါင်းရင်းမြစ်များ

Sam 138:2

Lxlvrkibo Mangr-nzangiongr nim mz nzglqlz-krnge drtqm. X awi-ngrbo bam nqmq krm, Nzaodu-krm, x nzangidati-krm. Murde drtqm x natqm nzmyatxpx-esz'ngr.

Sam 145:18

Wxbu-aepztrpzme mz krkcng tzkqlelr nim, Mz nzbrti-zpwxkr drtwrdr nim.

Sam 44:1

Gct, xlrpekr nrpa ngr da kxetuting kcng tqalebzme mz melrmqgrng mzli kc bqnc, Mz nzpi-krmlrle bagr mzli kc.

Sam 50:1

Yawe, nide Gct kc tqxplr esz'ngr. X zluli rde pnamilxtile mzteadau Jerusalem kc tqlqngi. A' nrlc ycngrlrlzm mz nzvz-krmle, Murde nyr wounepx kai mz nzangc-krde da amrlx, X nounenq o-ngalelvzle nide. X kqlele lr Heven mz nzayrlwr-lxblr-krdr leplz amrlx mz nrlc.

Sam 57:1

Gct, nayc mz drtwrm ninge mz nzaelwa-krme bange nzmrlz-esz'ngr-krm, Murde mnc-xglex nim mz nzmnc-zpwx-krnge mz mzlir nzkxpungr kxtrka. X na-apux nei bona kc tqmnclzbz mz nabx lxede, Mz nztu-krme mz nibrnge, navz navz mzli kx ayrkrpx-ngrn nzodangr.

Sam 58:1

?Kxnzetung, myx kxmule, nzaclve-krmu tubq, X rsakrlrngr angidr?

Sam 76:1

Lr Israel nzangiolr Gct. X drtqde nzkrlz-zlwzlr.