Sam 71:3 - Natqgu

³ Nangini-kzp me rlakitrx mz nzmnc-kapqtr-krbo bam. Murde nim butqbr x lrpalvc nyznge.

Sam 71:3 ပူးပေါင်းရင်းမြစ်များ

Sam 144:2

Brti drtwrnge nzngini-krm lrpalvc nyznge. Nim Mevalu kx xplr x me rlakitrx. Nim temz ngr lomrnge kc tqyrputrngr nipna. X okatr-zvzq ninge mz nzaovxio-krnge lr mrkzbleng.

Sam 18:2

Nim Gct rnge, x butqbr kx rlakitrx. Nim lrpalvc nyznge peto, X Mevalu rnge kx arlapxle ninge. Nim nou zmatq rnge apule temz ngr lomrnge kc tqyrputrngr nipna.

Sam 18:3

Kqle-zvzx nim kc tqtakitrde nzrglqlzngr, X vzme arlapxq ninge mz mq enqmi rngeng.

Sam 42:8

Murde vz zvz nzpulio-krme nivz lrm mz zbq kang kqlu. X ngrbo bam mz nrlckxbq vzmi nzkrka'-krnge murde nim Gct kx rkam nzlungr bange.

Sam 44:4

Gct, nim King rnge. Nim kx rngi-batrp nzaovxio-krgr, nigr neidu lr Jekop.

Sam 68:28

Gct, aelwapx-moungr zmatq ngrm, Kc tqaelwapx-ngrn tqokatr-ngrn nigr mzli kc.

Sam 89:27

X sa na-apusr-ngrne nide mrlxnge krdau, Mz nzarmyalz-zlwz-krbo nide mz king amrlx mz nrlc.

Sam 90:1

Kxetu, yzutr pnz mzli kc, krlzmle mzbq ka Nzngini-krm me rlakitrkr.

Sam 91:9

Murde mz nzrpi-krbzme mz Yawe kx nide me rlakitrq, X mz nzmnc-xgle-krm nide kc tqmyalz,