Sam 69:4 - Natqgu

⁴ Enqmi rngeng nzrpilr nanibqlr ninge murde nzxplr-zlwzng. X nzpxtxpx-krdr lc ninge trpnzngr noude. X nzkqlu-krdr nzmyaszpxlr nqnginarnge. Nzpokiatitrlr ninge mz nzrpi-krdr kx nakabo trau rde. ?A' myx kxnamu nzka-krbo trau r da kx tralewxu?!

Sam 69:4 ပူးပေါင်းရင်းမြစ်များ

Sam 35:19

Leplz lcng nzpxtxpx-krdr ninge trpnzngr noude. Bzkq rlr-ngrbzme badr nzabrtzlvz-krdr nzkxpu-krngeng, X nzyrpalelvz-krdr nzvzkr drtwrnge.

Sam 40:12

A' mzli ka, rblx nzrlwx-krnge nzkxpungr amrlx kx nzprtztimqng bange. X alwx rngeng nzmrilvzolr ninge x nzayc-kapqmlr bange da kxtubq. Murde nzkqlu-zlwz-krdr nzmyaszpxlr nqnginarnge. X nabznge tqtalvzo-zlwz-ngrde.

Sam 59:3

Yawe, obqm! Ncblo lcng tzyrlwr-lxblrng nanibqlr ninge. A' trpnzngr da kxtrka kx alebo badr.

Sam 6:7

Mzke' vaotxtrpebz x tropxpeu, Murde nzyrni-krnge lc nzngi-batrplr enqmi rngeng.

Nrpakxmrlz Kx Yr Jon 15:25

Da lcng nzatutrlr natq kcng mz Nzryrngrkxtr, tqrpile kx, ‘Nzpxtxpx-krdr ninge trpnzngr noude.’”

2 Korint 5:21

Kraes tubq murde trpnzngr alwx ngrde. A' Gct rlr-ngrbzle bade nzayrplapxngr nide mz nzxpe-krde alwx rgung amrlx, murde natubq-kzku mz nzobqkr Gct mz nzaxvctr-lzbq-krbzku mz Kraes.

1 Pita 2:22

Murde Profet Asaea ycmnetr-ngrde nide mz nzrpi-krde kx, “Trpnzngr alwx ngrde. X trpnzngr nzpokia-krde.”

1 Pita 2:24

X tekqtrle nigu mz nzxpe-krde alwx rgung mz nzrtqlvztrngr nrkrdrtqde mz kros. X arlapxle nigu mz zmatq ngr alwx, murde nzmnc-krgu natubq-esz'ngr. Delc nzatakingr nide tqamrlzpe-ngrde nigu.

1 Pita 3:18

Murde Kxnzmcpx kc tqtubq nzaetq-ngrbz drtqde nzwrde esz'txu mz nzxpe-krde alwx rgu, nigu leplz kxtrnztubqung, murde navzmibzle nigu mz Gct. Nrkrdrtqde nznibq, a' lu-mop mz zmatq ngr Mqngrkxtr.