Sam 69:13 - Natqgu

¹³ Yawe, arlapx ninge mzli kznike mrlzbz bam Mz nzmyalzkr zmrlz ngrm.

Sam 69:13 ပူးပေါင်းရင်းမြစ်များ

Sam 32:6

X nigr leplz nemqng nakrka'bzkr bam mzli ka. Murde mzli kc nzkxpungr na-apune-ngrmle nrc kc tqoda, Trtxpnzngr nzkrlz-krmlr nigr.

Sam 51:1

Gct, nayc mz drtwrm ninge, X atubqtim nzvz-rbr-krngeng, murde aodu-zvzq ninge.

Sam 91:15

Mz nzkqle-krde ninge, sa na-ayzlubo natqde. Kxmule-esz' da kx prtz, a' sa namnc-aepztrpo bade, X sa nakatxpxx nide mz nzkxpu-krdeng, X sa na-armyalzx nide.

Sam 98:3

X aodule nigu lr Israel mz nzatutr-zvz-krde natqde. Murde leplz mz nrlc tulvzo nakrlzlr kx arlapxle nigu.

Nrpakxmrlz Kx Yr Luk 1:72

X aelwapx-ngrmle nzyckr drtwrde melrmqgung, mz nzatutr-krde Nzesz'tikr Drtwrdr badr,

Nrpakxmrlz Kx Yr Luk 22:44

X nabzde talvzo mz da kc nawaibz bade, x nzkrka'-krde sc tqpqnelz. Wrlrpe-ngrde ztqlq kxpc apupele nztalikr mepyr, tqtalio mz drtc'.

2 Korint 6:2

Rpi pnz Gct mz Nzryrngrkxtr kx, “Mz mzli kx mrlzm bange, sa na-ayzlu-ngrbo da kx rlxtimamu bange, murde naokatrx nimu mz mzli r nzrlapxngr.” Nakrlzamu kx mzli ka, mzli kx mrlzpebz mz Gct mz nzarlapx-krde leplz, murde sc tqatwzlrpe-ngrmle Mevalu Kxnzmcpx mz nrlc, x suti drtwrde kx na-abrtrpzmu drtwrmu bade mzli ka.

Hibru 5:7

Mzli kc Jiszs tqmncbe-ngrde mz nrlc, krka'bz mz Gct kc tqrkrlz nzarlapxngr nide mz nzbzngr x rlxbz da bade mz nzyrni-krde vzmi drlemzte. X ayzlubz Gct natqde murde Jiszs avzo-lzbq mz nzmnclz-krbzle bade.

1 Pita 2:23

A' mzli kc tzpibqti-ngrde, trpnzngr natq kx ayzlubzle badr. X mzli kc tzaetq-ngrbz drtqde, trpnzngr natq ngr nzamwxlrngr kx pi-mopwzle badr, a' abrtr-zvzbzle drtwrde mz Gct kc tqtubq mz nzayzlu-krbzle da mz leplz.