Sam 69:1 - Natqgu

¹ Gct, pi-zvzbo bam kx, “Arlapx ninge!” Murde nzkxpu-krngeng nzaetunepxpeng. X apupex rplz kc namrbropebz mz nrlr.

Sam 69:1 ပူးပေါင်းရင်းမြစ်များ

Sam 18:4

Yawe, mzli ka tqkxpu-ngrne kqlex nim mz nzokatr-krm ninge. Murde ycpe pipz nzbz-krnge. Opxm kx zmatq ngr nzbzngr sa na-aovxiole ninge, Mz nzpe-amqngi-krde ninge. A' krlzx kx sa naxlrme ninge mz Mangr-nzangiongr nim, Mz nzayzlu-krme natqnge.

Sam 32:6

X nigr leplz nemqng nakrka'bzkr bam mzli ka. Murde mzli kc nzkxpungr na-apune-ngrmle nrc kc tqoda, Trtxpnzngr nzkrlz-krmlr nigr.

Sam 45:1

King rnge, krlc nabz nenge kx nangr-ngrbo bam. Nabznge esz'ngr natq kxmrlzting. X nzngqpx-krm natq mz naonge Apule nzyrlepx-krm lue mz butqbr.

Sam 60:1

Gct, mz nzngyatikr drtwrm nigr, drtqm satrpem bagr. X batrpeme mz enqmi rgrng nzprtr-krmlr mz nzawxo-krdr bz ngr nrlc nyzgr. Nzatrkati-krdr nigr apule nengq mz nzaglqwiti-krde drtc'. X da amrlx trnzaxvctrpeung. Dea-ngrgr vznepe mz nzvzne-krgr apukr ncblo kxnzrmnqng, Mz nzaetqtitx-zlwz-krbzme drtqgr, nigr leplz nemqng. A' suti drtwrgr nayzlu-mopwe' bagr Mz nzamrlz-mou-krm drtc' nyzgr, murde namnc-zpwx-moukr.

Sam 69:2

X apu-kzx kx twznede ninge drlr ngr nrc. X mz nzboo-krnge, nabzpex, murde trpnzngr me nakcblztr-ngrne.

Sam 80:1

Gct, myaszlzq enjrl kxnzetung. X aclve-zvzq nigr doa neng Josip, Mz nzapu-krgr sip nemqng. Lalztqm bagr, nigr doa neng Israel.

Nzaelwapxngr 17:15

Zbz rpi-mop enjrl kc bange kx, “Mcpeq lue kcng tzesotrpzng mrkc tqmncngr srlx kc. Lue lang drtwr ngrde leplz ngr natq x drtc' amrlx mz nrlc x zbo ngr leplz kxetu.