Sam 63:3 - Natqgu

³ Nzkrlz-krnge nivz lrm myaszpx-zlwzle nzlu-krnge mz nrlc. X glqlz-zvzx nim mz nzaodu-zvz-krm ninge.

Sam 63:3 ပူးပေါင်းရင်းမြစ်များ

Sam 21:6

Da kxmrlz kcng tqkatimeng bange, sa nayc-alomqng bange. X abrtz-zvz-ngrne nzmnc-krme bange.

Sam 30:12

X rblxm bange nzmnc-lrpi-krnge. A' navz zvz nzangrlvz-krnge nim. Awi kxetu, Yawe!

Sam 30:5

Zngya ngr drtwrm trboiu, A' nzaodu-krm nigr tqyc tqyc. Kxmule-esz' yrnibutikr nrlckxbq, A' nzyrni-krgr sa nalrtipxle nzabrtz-krgr mz nzmc-krgr zyzlr mz nourla kxtopwz.

Sam 4:6

Yawe, leplz nemqng nzkqlung kx nzrpimlr bange kx, “?Myx mzli kx namnc-zpwx-ngrgu?” Delc tqkrka'-ngrbo kx na-amrlzq nigr.

Sam 42:2

Nim Gct kc tqlu x nzsutikr drtwrnge nim apule nzbrlxkztikr drtwrnge lue kxbao. ?Myx mzli kx naxngi-ngrbo nzmnc-krme bange?

Sam 51:15

Kxetu, okatrp ninge Murde naglqlz-ngrne nim nivz lrm.

Sam 66:17

Mz nzbrtikr drtwrnge nide, krka'bo bade, Mz nzoliqti-krnge nzawi-krbo bade mz nzayzlu-krmle natqnge.

Sam 68:25

Dzbe kxnzngrng nzrtwayzbzng, vz-nqblqbz olvi kx nzelang x nzayrlewzng nrasrpwale. X kxnzayrning gita nzrmnr-ngrmqng.

Sam 69:16

Yawe, ninge kxnzawz nem. Ayzlum natqnge murde aodu-zvzq ninge. X amrlz ninge murde yc mz drtwrm ninge. Bzkq mnc-rlrume bange. A' okatr ninge, murde nabznge talvzo.

Sam 96:6

Mz nzmncpx-krm Yawe Mangr-nzangiongr, Xngibzku zmrlue, zyzlr, zmatq x zluli rdeng.

Nzryr-krbz Pol Mz Lr Rom 12:1

Mzlengeng x inwengeng, mz nzkrlz-krmu kx Gct ycngr drtwrde leplz amrlx, lc-apqbzx nimu nzrlr-lzbq-krbzmu mz nzwztr-krbzmu bade, mz nzapu-krmu blz kxtr kxlu. Murde krlc nzangiongr angidr x aelalzmle drtwrde.

Nzryr-krbz Pol Mz Lr Rom 6:19

Krkc tqkxmu nzycmne-dalitipx-krbo da lc bamu, murde narmu nayrplatrpz mz nzrlxngiti-krmu kc tqpobe. Mzli kc ena rlr-ngrbzmu nrkrdrtqmu atwrnrngr mz zmatq ngr da kx trtakitrdeu x da kxdrka'ngr, mz nzale-zvz-krmu da kxtrka zlwz. A' mzli ka na-aotipe drtwrmu mz nzrlr-krbzmu nrkrdrtqmu mz Gct mz nzmncngr kxtubq, murde nztrkr nzmnc-krmu naetunepx zvz.

1 Korint 6:20

Murde Gct xpepxpele nimu mz narncbr kxlqlwx mz nzbzo-krm Mrlxde mz kros, murde nanginimu leplz angidr nedeng. Mz nzmu-krde lcde, rlr-ngrbzmu nrkrdrtqmu nangi dalr nzamatqngr Gct.

Hibru 13:15

Mz nzmu-krde lcde, mz nzaxvctr-krbzku mz Jiszs, narlrpx-zvz-ngrbzku blz ngr nzglqlz-krgu Gct, mz nzawingr. Murde takitrde leplz kx nzpipxlr kx nide Kxetu Lod rdr nzale-krdr da lc.

1 Jon 3:2

Mzlengeng x inwengeng, mzli ka nginipegu doa neng Gct. X mzli kc nayzlu-ngrm Kraes, sa natekqtr Gct nigu. Kxmule-esz' tropxka mz drtwrgu myx kxnamuku, a' krlzku kx mzli lcde sa naopx-angidrpe nzmc-krgu nide mz nzkrlz-angidr-krgule. X sa natekqtr Gct nigu mz nzapu-angidr-krgu nide.