Sam 62:7 - Natqgu

⁷ Nzarlapx-krnge x nzmrlue-krnge yctr txpwz bade, Mz nzngini-krde butqbr nyznge kxmqngi kx rlakitrx.

Sam 62:7 ပူးပေါင်းရင်းမြစ်များ

Sam 125:1

Nigu kcng nzabrtrpzlr drtwrdr mz Yawe, Apuku Newz Saeon kx trycngrlru, a' tutx alo.

Sam 16:8

Dcpx zvz mz drtwrnge kx mnc-zvzme bange. X trpnzngr doa x da kx na-aycngrlrle ninge, murde tu-zvzme mz nibrnge.

Sam 18:2

Nim Gct rnge, x butqbr kx rlakitrx. Nim lrpalvc nyznge peto, X Mevalu rnge kx arlapxle ninge. Nim nou zmatq rnge apule temz ngr lomrnge kc tqyrputrngr nipna.

Sam 18:46

Yawe, nim Gct kx lu. Glqpxx nim murde nim butqbr nyznge. Glqlz-zvz-ngrne nim murde arlapx-zvzq ninge.

Sam 3:3

A' Yawe, nim kx mnc-ngale-zvzle ninge. Nim nou nzaovxio-krnge x nim kx apqtrp drtwrnge.

Sam 4:2

?Nimu leplz, myx mzli kx naesakingr nzatrkati-krmu nzmyalz-krnge? ?X myx mzli kx naesakingr nzmrlzkr bamu da kx ngi brmrda x nzpokiangr?

Sam 46:1

Gct kc tqmyatxlz, nide me rlakitrku x axplrle nigu, X mz nzkqle-krgu nide mz mzli kx nzkxpungr, okatrle nigu.

Sam 85:9

X oliq zvz nzarlapx-krde kxnzamrluelr nide, Murde nzulrde naxngi-alope mz drtc' nyzgu.

Sam 94:22

A' Yawe, Gct rnge, nide lrpalvc nyznge, X butqbr kc tqrlakitrx.

Sam 95:1

Nangrbzku mz Yawe mz nzabrtzngr. Murde nide butqbr kc tqrlakitrku.

Galesia 6:14

Trtakitrdeu nzglqpx-lzbq-krnge, a' ngi txpwz mz nzbzkr Kxetu rgu Jiszs Kxnzmcpx mz kros mz nzarlapx-krde ninge. Murde prtrx mz nzbz-krde lc. X mzli ka dalr nrlc ka trpengr nztamiti-krdr ninge, x nar leplz mz nrlc ka tryrplatitrlru nqmq ngr drtwrnge.