Sam 62:4 - Natqgu

⁴ Ryrlqamu drtwr ngr nzapotxo-krmamu ninge me matq kc tqmnco-ngrmc. X abrtzlvzamu nzpokiatitr-krmu ninge. Murde nivz lr naomu prlxmamu bange, A' mz nabzmu la, ngyati drtwrmu ninge.

Sam 62:4 ပူးပေါင်းရင်းမြစ်များ

Sam 119:163

Trkam bange natq ngr nzpokiangr, A' mrlzm bange natqm.

Sam 28:3

Bzkq apusr-ngrn ninge kxdrka'-ngrng kcng tzrtrngz-zvzbzng da kxtrka. X nzrpilr kx nidr ncblo ngr nivz, a' trtingr.

Sam 5:9

Da angidr trvzpxpuu mz nao enqmi rngeng. Murde mz nabzdr la nzodatingr txpwz. X mz nzycmne-krdr nzmailzlr leplz Mz nzbatr-krbzlr nzbz-krdr esz'-krdr.

Sam 51:6

A' suti drtwrm kx nabznge navz-nqblqle nzmncngr angidr. Delc, na-alvztr-ngrn ninge murde nayrplapxx.

Sam 52:3

Nzmrlz-zlwz-krbz da kxtrka bam myaszpxle da kxmrlz. X mz drtwrm, nzpokia-krm myaszpxle nzrpi-krm da angidr.

Sam 55:21

Nzprlxpx-krde nivz narpi-ngrbz nide ncblo ngrde, A' mz nabzde la poi kx mu ncblo. Mz nzycmne-krde nide pakrle, A' natqdeng malc apule toki r vea.

Matiu 2:16

Mzli kc Herot tqkrlzpe-ngrde kx ncblo kcng tzvzkimlr mrkc tqprkilzm nepi nzangqngutitrpelr nide, drtwrde kc tqngyape. Zbz sc tqpipebzle mz ncblo ngr vea nedeng nanibqtilr doa ncblo amrlx kx yiz ngrdr libe x kxnztopwztx-zlwzbeng tzmncng Betleem x kzdung kz mztea kxnzesotrpzng. Murde drtwr lc vz-nqblqle natq ncblo kcng mz nzpi-krbzlr bade mzli kx vri kc aelwapx-lzbq-ayrnr-ngrbzle badr.

Matiu 22:15

Zbz Farzsi nzvzng x sc tzyrlwr-lxblrpeng mz nzryrlq-krdr drtwr ngr nzrtxtio-krdr Jiszs br mz nzycmne-krde, murde nalolvzlr nide.

Matiu 22:23

Mz zbq lcpwz, kzdung Sadiusi nzvzmqng mz Jiszs Mangr-nzangiongr. Nidr dzbe lr Jiu kx trnzlxngitilru nztulz-mou-ngrm mz nzbzngr. Nzveatibzlr da kx na-atrkati-ngrbzlr nzalvztr-krde mz nzlu-mou-ngrm mz nzbzngr.

Matiu 27:1

Mzli kc mz nourla kc topwz, kxnzetu rdr pris x lrtzlvzng nzycmne-lxblrng x drtwrdr esz'ti kx Jiszs nabz.

Nrpakxmrlz Kx Yr Luk 11:39

Jiszs krlzle da kc tqaoti drtwr Farzsi kc, sc tqrpipebzle bade kx, “Nimu Farzsi aoti txpwz drtwrmu da kx trmyapxpwzu. Krlzamu nzrwztingr kxpipz nibr kap x nibr plet mz nzvz-nqblqngr nqmq krmu, murde natubqamu mz Lou sc Mosis. A' nabzmu yrbupxm mz nzpnangr da x nqmq ngr alwx.

Nrpakxmrlz Kx Yr Luk 20:20

Sc tqaukztipe kxnzetu r lr Jiu. Nzamctilr kzdung ncblo kxdrka'-ngrng mz nzaukzti-krpwzlr nide. Nzatwzlr-ngrbzlr mz Jiszs mz nzatalz-krdrle mz kzdq nzveangr. Murde nzrpilr nabatrpzlr nzrpi-krde da kx nalolvz-ngrdr nide. X nakaobzlr mz Pcntizs Paelzt, lr Rom kc tqaclvele Provins kc Judiz.

Nrpakxmrlz Kx Yr Jon 8:44

Murde nimu doa ne trtemu, Setzn. Dekc tqmrlz-ngrbz bamu nzvz-nqblqngr me pnz drtwrde. Abzo mzli kc tzwzngr nrlc, Setzn tqngi Kxrnibq. X ni-kzde Kxapokia, murde da angidr trycpwzu bade. X mz nzpokia-krde vz-nqblq-txpwzle nqmq krde esz'-krde. Murde nide Mepokia x Nou Nzpokiangr amrlx.

Nzryr-krbz Pol Mz Lr Rom 1:32

Vz zvz nzale-krdr da lcng, kxmule-esz' nzkrlzpelr mz nabzdr kx Gct rpile kx leplz kxnzmulr lcng takitrde nzbztx-krpwzlr. A' da kx trka zlwz, nzabrtzlvz-kzlr kzdu-kzng leplz kcng tzrtrngz-kzpzng da lcng tqtrka.

Nzryr-krbz Pol Mz Lr Rom 7:22

Kxmule-esz', a' yclzm mz nabzgi, abrtzlvzki Loukxtr.

Nzaelwapxngr 22:15

A' kzdung kz leplz kcng tzvz-nqblqlr nzmncngr kxtrka, trtxpnzngr nzvztr-krdr Mzteadau. Leplz kxnzmulr seng: kxnzryzplengz-ngrng, kxnzrmwiming doa kx trngiu krnalzdr, kxnzrnibqng, kxnzangiolr mqngr drka' kxnzlz, x kxnzmrlzbz badr nzpokia-zvzngr.