Sam 61:4 - Natqgu

⁴ Rlr-ngrm bange nzmncpx-alo-krmc mz ma nyzm. Murde na-apux nei kio kx mnc-kapqlzbz mz nabx lxede.

Sam 61:4 ပူးပေါင်းရင်းမြစ်များ

Sam 15:1

?Yawe, neke navztrpz Mangr-nzangiongr nim? ?X neke takitrde nzangio-krde mz newz kxtr nyzm?

Sam 17:8

Aclve angidr ninge na-apule dztum kx matq zlwz mz drtwrm. X amnc-kapqbz ninge da kc tqwai kio mz nzwxbulvzo-krde neideng.

Sam 23:6

Krlz-angidrx kx sa naka-zvzme bange zmrlz ngrm x nivz lrm, X sa namnc-zvzx ma nyzm.

Sam 27:4

Yawe, da kx rlxtitxpwo bam nide sele: Sutitx zlwz drtwrnge nzmnc-zvz-krnge mz ma nyzm. Murde naxngi-zvzbo nzulr nzmyalz-krm mz nzaoti-zvzkr drtwrnge me pnz drtwrm.

Sam 57:1

Gct, nayc mz drtwrm ninge mz nzaelwa-krme bange nzmrlz-esz'ngr-krm, Murde mnc-xglex nim mz nzmnc-zpwx-krnge mz mzlir nzkxpungr kxtrka. X na-apux nei bona kc tqmnclzbz mz nabx lxede, Mz nztu-krme mz nibrnge, navz navz mzli kx ayrkrpx-ngrn nzodangr.

Sam 61:7

Okatrp ninge mz nzaclve-angidr-krnge leplz nengeng mz nzmnclz-krbo mz zmatq ngrm. Ayrbqpx ninge mz nzaodu-zvz-krm ninge x nzangidati-krm natqm.

Sam 62:7

Nzarlapx-krnge x nzmrlue-krnge yctr txpwz bade, Mz nzngini-krde butqbr nyznge kxmqngi kx rlakitrx.

Sam 63:7

X angrlvzx nim mz nzabrtzngr Murde okatr-zvzq ninge x tu-zvzme mz nibrnge.

Sam 90:1

Kxetu, yzutr pnz mzli kc, krlzmle mzbq ka Nzngini-krm me rlakitrkr.

Sam 91:1

Mz nzmnc-xgle-krm Yawe kc tqmyalz-esz'ngr Sa natubz mz nibrm.

Sam 91:4

Sa na-aclve-zpwxle nim, Na-apule kio kc tqwxbulvzole neideng. X sa na-angidatibzle natqdeng Mz nzapu-krbzle bam temz ngr lomrm kc tqyrputrngr nipna.

Matiu 23:37

“Kosae lr Jerusalem! Nibqtiamu profet neng Gct x vaebqtiamu menrpa kcng tqatwzlr-ngrmle bamu! Kxmule-esz' aodu-zvzx nimu x mzli kqlu kx rpi-ngrne na-apubo bamu kio kx wxbulvzole neideng a' tr-rlr-lzbq-ngrpwa'muu bange.

Hibru 6:18

Nzesalz-krde x drtqde, da lcng li trtxpnzngr nzrtekqtrngr x trtxpnzngr nzpokia-krde. Mz nzmu-krde lcde, nigu kcng tzrlatrpzng mz Jiszs, drtwrgu nabr murde obqtipxku nzatutr-atwrnr-krde nzesalz-krdeng kalr Heven.

Nzaelwapxngr 3:12

“Murde mrlx kx aovxio mz nzvec-krdr badr zmatqng kxtrka, nide kx navzmibo mz Gct rnge na-apule nctrpou ngr Mangr-nzangiongr kxmrna, x trtxpengr nzdwasz-krdele. X nayrtrpo bade drtq kxmrna lcde seng tq. Drtq kx ayrnrngr drtq mzteadau nyz Gct, Jerusalem kxmrna kc tqvzom Heven. Murde Jerusalem kxmrna nangi mrnyzde. X drtq krali drtq Gct rnge, murde nide doa ne Gct. X drtq kratq drtqnge kxmrna, murde ni-kzde doa nenge.

Rut 2:12

Rlxtibo mz Yawe, Gct rgr, kx na-ayzlubzle bamu nike aletiqng, mz nzamrlz-zlwz-krde nim. Nide ka tqmnclzpebzme bade mz nzvz-krme lc, x nide me rlakitrq, mz nzapu-krm nei kio kx mnclzbz mz nabx lxede.”