Sam 61:2 - Natqgu

² Kqlex nim murde mncx esz'-krnge, x nabznge talvzo zlwz. Vzmibz ninge mz butqbr kxmqngi.

Sam 61:2 ပူးပေါင်းရင်းမြစ်များ

Sam 142:3

Kxmule-esz' nabznge baonepe, a' nim kc tqrtwayz zvz mz nzvz-krnge. Murde enqmi rngeng nzryrlq-kapqpeng trtxki mz lrpzki rnge.

Sam 143:4

Nabznge baonepe, X talvzo zlwz.

Sam 17:1

Yawe, lalztqm mz nzrlxti-krbo nztubqngr. Xlrm natqnge murde nzkrka'-krbo bam trvzpxpuu mz naonge, a' vzdz-zpwxm mz nabznge.

Sam 18:2

Nim Gct rnge, x butqbr kx rlakitrx. Nim lrpalvc nyznge peto, X Mevalu rnge kx arlapxle ninge. Nim nou zmatq rnge apule temz ngr lomrnge kc tqyrputrngr nipna.

Sam 18:46

Yawe, nim Gct kx lu. Glqpxx nim murde nim butqbr nyznge. Glqlz-zvz-ngrne nim murde arlapx-zvzq ninge.

Sam 27:5

Murde krlzx kx sa na-aclve-angidrq ninge mz mzli r nzkxpu-krnge. X na-amnc-kapqq ninge mz Mangr-nzangiongr nim, mz nzngini-krm butqbr kx rlakitrx.

Sam 40:2

Veclzme ninge mz gq ngr nzbzngr x mz nabz mu kxrluo. Atuome ninge mz rplz kxetu, x trpengr doa x da kx namwxlrtix.

Sam 42:6

Gct rnge, mzli boipe trnzkrlzpe-krpou Israel. ?Memule tqpulio-zvz-ngrme bange nzkxpungr mz nzapu-krde lue kxvo? Nzvzdz-krm nelznge vz-ebirnrpe-ngrm bange apule nrc kcng tzyrplalvzolr ninge. X nztalvzokr nabznge xplr-zlwzpe apule nzyrpukr lue kxtalio mz nabzde. X ebio ngr srkau amrlx kcng tqatwzlr-ngrme nzalxlvrtine-zvzlr ninge. A' nadcpx mz drtwrnge da kcng tqmyalz tqaleq Israel, Mrkc tqyrlengr LueJodzn x tqycngr Newz Hemon x Newz Misa.

Sam 43:5

Kxmule-esz' nabznge talvzo x nelznge vzdzm, A' sa na-abrtxtrpwo drtwrnge bam. Murde naglqlz-mou-ngrne nim kalr, Mzli kc na-arlapxq ninge.

Sam 55:5

Rnrcti-lzbqpenge mz zmwxlr, X nrkrdrtqnge esz'pe-ngrde.

Sam 62:2

Nide butqbr nyznge x mevalu rnge. Nide lrpalvc nyznge kx tu-amqngio-ngrne.

Sam 62:6

Nide butqbr nyznge kx abrkitrx drtwrnge. Nide lrpalvc nyznge kx tu-amqngio-zvz-ngrne.

Sam 77:3

Gct, kx aoti drtwrnge nim, nabznge ngrgo. X sc tqyrni-katopex mz nzetqkr drtqnge.

Nrpakxmrlz Kx Yr Luk 22:44

X nabzde talvzo mz da kc nawaibz bade, x nzkrka'-krde sc tqpqnelz. Wrlrpe-ngrde ztqlq kxpc apupele nztalikr mepyr, tqtalio mz drtc'.