1 Gct, xlrm nzyrni-krnge, X lalztqm mz nzkrka'-krnge.
Lalztqm mz nzkrka'-krnge, kx Kxetu, X ayzlum natqnge.
Yawe, lalztqm mz nzrlxti-krbo nztubqngr. Xlrm natqnge murde nzkrka'-krbo bam trvzpxpuu mz naonge, a' vzdz-zpwxm mz nabznge.
Mzli kc tqobqtr-ngrbo Mrkc Tqtr mz nzmnc-krnge Mangr-nzangiongr nim, x glalzx mqnge mz nzkrka'-krbo bam, Xlrm natqnge x okatrp ninge.
Gct, ayzlum nzkrka'-krnge, Murde dwaki-zvzme bange. X mzli kc tqkxpu-ngrne, okatrq ninge. Delc naycngr mz drtwrm ninge x naxlr-ngrme natqnge.
Gct, arlapx ninge mz zmatq ngr drtqm, X aelwzpx-ngrbz nztubq-krnge mz nztu-krbzme mz nibrnge.
Yawe, kxmule-esz' drtwrm ngya, A' bzkq pnanatiq x ayrplapxq ninge.
Gct, kxputxpex. Xlrm nzkrka'-krnge. Mwxlrti-zlwzx enqmi rngeng. Arlapx ninge.
Yawe, lalztqm mz nzyrni-krnge, X ayzlum natqnge.
Bzkq drtwrmu yclwz mz da, a' rlxtibzmu mz Gct mz nzkrka'ngr x awibzmu bade mz da amrlx.
