Sam 59:16 - Natqgu

¹⁶ A' sa nangr-kato-zvzx mz nourla kang kqlu, Mz nzpipx-krnge zmatq ngrm x nzaodu-zvz-krm. Murde apu-zvzme bange lrpalvc nyznge Kxrlakitrx mz mzli r nzkxpungr.

Sam 59:16 ပူးပေါင်းရင်းမြစ်များ

Sam 101:1

Yawe, nangr-ngrbo bam Nabz ngr da kxtubq x nzangidatingr.

Sam 106:8

Kxmule-esz', a' arlapxq nidr mz nzvz-nqblq-krde nzesalz-krm. Murde na-aelwapx-ngrn nzmyapxkr zmatq ngrm.

Sam 138:7

X kxmule-esz' nzkxpungr nzprtzmqng bange, a' amnc-zpwxq ninge. X tu-zvzme mz nibrnge mz nzngyatikr drtwr enqmi rngeng ninge. X arlapxq ninge mz zmatq ngrm.

Sam 143:8

A' pi-zvzm bange mz rngalx kang kqlu kx aodu-zvzq ninge, Murde abrtrpo drtwrnge bam. X mailz ninge mz lrpzki kx nao-zlix, Murde mnc-xgle-zvzx nim.

Sam 145:11

Mz nrlc tulvzo, sa nayapwxtipxlr nzmyalz-esz'ngr-krm, X nzetukr zmatq ngrm mz nzngini-krm king.

Sam 21:13

Yawe, glqlz-ngrgr nim nzxplr-esz'ngr-krm. X angrlvzkr nim mz zmatq ngrm.

Sam 30:5

Zngya ngr drtwrm trboiu, A' nzaodu-krm nigr tqyc tqyc. Kxmule-esz' yrnibutikr nrlckxbq, A' nzyrni-krgr sa nalrtipxle nzabrtz-krgr mz nzmc-krgr zyzlr mz nourla kxtopwz.

Sam 31:7

Drtwrnge sa naelalzm x na-abrtzlvzx nzaodu-zvz-krm, Murde okatr-zvzq ninge mz mzlir nzetqkr drtqnge x nzkxpu-krngeng.

Sam 36:5

Yawe, nzmyatxlzkr nzaodu-zvz-krm X nzangidati-zvz-krm natqm nzkrlzlzlr bongavz.

Sam 4:1

Gct, ayzlum nzkrka'-krnge, Murde dwaki-zvzme bange. X mzli kc tqkxpu-ngrne, okatrq ninge. Delc naycngr mz drtwrm ninge x naxlr-ngrme natqnge.

Sam 46:1

Gct kc tqmyatxlz, nide me rlakitrku x axplrle nigu, X mz nzkqle-krgu nide mz mzli kx nzkxpungr, okatrle nigu.

Sam 5:3

Kxetu, mz nourla kang kqlu natqnge sa navzbz bam. X nakrka'-zvzbo bam, mz nzaenzli-krbo natqm kxmrlz.

Sam 77:2

Mzli ka tqkxpu-ngrne, glalzbo mqnge mz Kxetu. Kxmule-esz' krka'tix nzwr nrlckxbq, a' trxngipwc'u nzamqtr-ngrm drtwrnge.

Sam 86:13

Murde nzaodu-zvz-krm ninge etu-esz'ngr, Mz nzarlapx-krm ninge mz nzbzngr.

Sam 88:13

A' krka'-zvzbo bam mz zbq kang kqlu, kx Yawe, Murde nayc mz drtwrm ninge.

Sam 89:1

Yawe, sa nangr-zvz-ngrne nzaodu-krm, Kc tqyc tqyc. X sa nayapwxtipx-alox nzangidati-krm natqm, Kc tqyctx alo, da kc tqwai bongavz.

Nzryr-krbz Pol Mz Lr Rom 15:9

X Kxnzmcpx vz-kzp murde kxtrngiulrJiu naglqlz-kzlr Gct mz nzyckr drtwrde nidr x nzokatr-krde nidr. Da lc atutrle da kc tqpi Devet mz Nzryrngrkxtr kx, “Gct, sa naglqlzx nim mz mzlir lr drtqbrng amrlx, mz nzangrlvz-krnge nim.”

2 Korint 1:10

Zbz mzli lc, Gct sc tqarlapxpele nigr mz nzbzngr. X abrtxtrpwzkr drtwrgr bade mz nzarlapx-zvz-krde nigr mz da kznikeng naprtzmqng bagr kalr.

Efiszs 3:20

Mzli ka takitrde nzglqlz-krgu Gct. Murde krlzle nzalengr da kx myaszpx-zlwzle da amrlx kx rlxtibzku bade x myaszpx-kzle da amrlx kx aoti drtwrgu. X alele da lcng mz zmatq ngr Mqngrkxtr kc tqalu-zvzle nabzgu. Murde nigu lrmakxtr, mz nzaxvctr-krbzku mz Mevalu Jiszs, na-amrlue-zvzku nide, tqvzpe tqvzpe. Eu, angida.

Hibru 5:7

Mzli kc Jiszs tqmncbe-ngrde mz nrlc, krka'bz mz Gct kc tqrkrlz nzarlapxngr nide mz nzbzngr x rlxbz da bade mz nzyrni-krde vzmi drlemzte. X ayzlubz Gct natqde murde Jiszs avzo-lzbq mz nzmnclz-krbzle bade.