Sam 55:22 - Natqgu

²² Yawe, napipxbzkr nzkxpu-krgrng bam, murde nalolvz-amqngiq nigr. X tr-rlrpx-ngrwq leplz kxnztubqng nzaxtx-krbzlr nzlxngiti-krdr nim.

Sam 55:22 ပူးပေါင်းရင်းမြစ်များ

Sam 12:3

Rlxtibo bam nzaesaki-krm natq leplz kxnzpokiang, X odati nidr mz nzglqpx-lzbq-krdr.

Sam 121:3

Da zpwx! Murde Yawe obq zvz, X aclve-angidrle nigu lr Israel, Mz nzapu-krgu sip nedeng. A' tramau x trmwiu, murde ma tqtaoku.

Sam 16:8

Dcpx zvz mz drtwrnge kx mnc-zvzme bange. X trpnzngr doa x da kx na-aycngrlrle ninge, murde tu-zvzme mz nibrnge.

Sam 27:14

Mzlengeng, na-abrtr-ngrbzku drtwrgu mz Yawe. X naxplrku mz nzlxngiti-krgule. Bzkq matitr drtwrgu nide, A' drtwrgu na-abrtr-zvzbzku bade.

Sam 37:5

Clveti-lzbq, x aenzli-lrpi mz nzabrtr-krbzme drtwrm mz Yawe. Bzkq nabzm talvzo mz nzrmc-krm leplz kxnzrngiscng nzvz-nqblq-krdr nqmq krdr kxtrka. Da kx na-aleq, mnc-xgle txpwz Yawe, X abrtrpz drtwrm bade, murde sa naokatrle nim. Delc sa na-aelwapx-ngrbzle nzopxkr nztubq-krm, Mz nzapu-krde nilz r nepi kc tqvz-esz'ngr mzli kc bea.

Sam 62:2

Nide butqbr nyznge x mevalu rnge. Nide lrpalvc nyznge kx tu-amqngio-ngrne.

Sam 62:6

Nide butqbr nyznge kx abrkitrx drtwrnge. Nide lrpalvc nyznge kx tu-amqngio-zvz-ngrne.

Sam 62:8

Leplz nengeng, mz nzangidati-krbzle da kx yc mz drtwrmu, na-abrtxtrpwzmu drtwrmu bade. Murde nide txpwz me rlakitrku.

Sam 63:8

Mnc-amqngitrpo bam, X lolvz-amqngiq ninge mz mqm kx xplr.

Sam 64:4

Nzmnc-kapqng mz nzpnz-krdr kxnztubqng mz natq ngr nzpokiangr. X trnzmwxlrung nzaniti-krdr nzatrkati-krdr nidr.

Matiu 11:28

Mz nzmu-krde lc, nimu amrlx navzmamu bange. Murde nzkxpu-krmung nzmrlepu-zlwzbzng bamu, x rblxbz bamu nzvz-nqblq-krmu natq amrlx kcng tzkapxbz kxnzetu rmung bamu. X sutitx zlwz drtwrnge naokatrpo nimu mz nzmnc-zpwx-krmu.

Matiu 6:25

“Mz nzmu-krde lcde, rpibo bamu kx bzkq da kx nakxne drtqmu mz nzmnc-krmu, mz da kx nangqamu x namnqamu, x lrpz kx napxi-ngrnamu. Murde nzmnc-zpwxngr tryctxtrpwzu mz dakxnzng x lrpz.

Nrpakxmrlz Kx Yr Luk 12:22

Zbz sc tqrpipebz Jiszs mz ncblo nedeng kx, “Da kx tqrpi-ngrbo lc bamu kx bzkq da kx nakxne drtqmu mz nzmnc-krmu, mz da kx nangqnamu x lrpz kx napxi-ngrnamu.

1 Pita 1:5

A' mzli ka mz nrlc ka, zmatq ngr Gct o-ngalelvzpele nimu murde abrtrpzmu drtwrmu bade mz nzarlapx-krde nimu. X sa na-aclve-angidrle nimu navz nakrlzbzle nzyzlu-krm Jiszs. X mzli lcde, sa na-aelwapx-ate-ngrbzle bamu da kxmrlzting amrlx lcng tzvzpxmqng mz nzarlapxpe-krde nimu.

1 Pita 5:7

X twzbzmu mz Gct nikeng nzatalvzobzlr nabzmu, murde sa tqaclve-angidrle nimu.