Sam 53:1 - Natqgu

¹ Leplz kx nzngqngung mz drtwrdr nzrpilr kx, “Trpnzngr Gct.” Leplz lcng nzvz-rbrng x nzale-txpwzng da kxtrka zlwz. Trpnzngr leplz lcng kxtubq.

Sam 53:1 ပူးပေါင်းရင်းမြစ်များ

Sam 10:11

Vz-rbr kxdrka'ngr mz nzrpi-krde kx, “Gct trobqpepuu bange. Wzx a' trkrlzleu da kcng trka tqalex.”

Sam 10:13

Wai-ngrdele kxdrka'ngr pxtxpx-ngrde nim. X rpile kx, “Gct trtxpnzngr nzayrplapx-krde ninge.”

Sam 10:4

Rblx nzrtangrti-krde Gct murde glqpx-lzbq. Rblx nzrmcti-krde Gct murde mz drtwrde trtxpnzngr Gct.

Sam 10:6

Sc tqrpipele kx, “Trpnzngr da kxtrka kx naprtzm bange, X trpnzngr nzodatingr ninge kalr.”

Sam 88:1

Yawe, nim Gct kx arlapxle ninge, X yrni-katobo bam ngrlx x nrlckxbq.

Sam 92:6

Kxnzglqpx-lzbqng nzngqngung X nardr mqngi mz nztatrkr nzalvztr-krmqng mz nardr.

Matiu 5:22

A' rpibo bamu kx Gct sa na-ayrplapx-kzle mrlx kc tqngyati drtwrde kztede, kxmule-esz' tratrkatileu nide. X nide kc tqrpibzle mz kztede kx, ‘Nim dcvi r leplz,’ o ‘Nim brmrda ngr leplz,’ sa navzmi nide mz Kansrl. X nekc mz drtwrde rpile kztede takitrde Hxl, mz nzrpi-krbzle bade kx, ‘Nim bo-ngqngu,’ takitrde Gct nzrtctr-krde nide mz nyr ngr Hxl.

Nrpakxmrlz Kx Yr Luk 12:20

A' rpibz Gct bade kx, ‘Kxngqngu e! Mz nrlckxbq ka nabzpeq. X dztumqng amrlx nabzszbzme mz leplz kzbleng.’”

Nzryr-krbz Pol Mz Lr Rom 1:21

Kxmule-esz' nzkrlzlr kx nide Gct, a' nzpxtxpx-ngrdr nzangio-krdr nide x nzawi-krbzlr bade. Trnzlxngitilru da angidr, a' vz-rbr mz nzyrlq-krdr drtwrdr esz'-krdr mz nqmq kr Gct. Mz nzmu-krde lcde, drtwrdr mrbrtrpz x nzrlxngiti-rbrng.

Nzryr-krbz Pol Mz Lr Rom 1:28

Zbz Gct sc tqaprcpebzle badr mz zmatq ngr drtwr kxtrka mz nzrtrngzti-zvz-krbzlr da kx trtakitrpleu nzalekr leplz le. Murde aoti drtwrdr kx trtakitrpedeu nzlxngiti-krdr nide.

Efiszs 5:12

Murde myangr drtq leplz nzryapwxtinengr da kx nzrtrngzti-kapqbz leplz kxdrka'-ngrng.

1 Pita 4:3

Mzli kc ena trlxngitika-ngrnamu Jiszs, mzli kang kqlu prtramu mz drtwr kxdrka'ngr sc kxtrnzrlxngitiung. Murde rmwimiamu doa kx trngiu krnalzmu, vz-nqblqamu drtwr kxtrka, rmnq-zlwzamu, trcluwamuu mz da kx myangr drtqmu, x angioamu mqngr drka' kxnzlz kxkqlu.