Sam 52:8 - Natqgu

⁸ A' ninge sa na-apux nc olivi kc dzbrde tqtu-amqngi mz nzmncpx-krmc Mangr-nzangiongr, Murde vz zvz nzbrtikr drtwrnge nzaodu-alokr Gct.

Sam 52:8 ပူးပေါင်းရင်းမြစ်များ

Sam 1:3

Leplz lcng nzapulr nounc kcng dzbrdr tzkrlzobzlr lue, X leu rdr trnzbloung. X nzdo-zlwzng mz nzvz-krm nrpr angidr. Da kx nzalelr nradr yc-zvzbz.

Sam 128:3

Olvz nalzde na-apule nc bia kc nrade tqkqlu, Murde doa nedrng kalr na-apulr nrtr ngr nc brpi mz nzwxbu-ngalelvz-krdr nyr pnrde.

Sam 13:5

Murde abrtrpo drtwrnge mz nzaodu-krm kc tqyc tqyc. X sa na-abrtz-zlwz-ngrne nzarlapx-krm ninge.

Sam 147:11

A' mrlzbz bade krkcng tzamrluelr nide, X tzmnc-xglelr nzaodu-zvz-krde nidr.

Sam 33:18

A' Yawe kc tqaclvele krkcng tzamatqlr nide, X nzbrti drtwrdr nzaodu-zvz-krde nidr.

Sam 58:11

X sa napibzkr bam kx, “Gct, da zpwxtx! Sa nakabzme da kxmrlzting mz leplz kxnztubqng, Murde nzaclve-krm lr nrlc tubq-esz'ngr.”

Nzryr-krbz Pol Mz Lr Rom 11:24

Murde axvctrpzle nimu mz nc olivi kc tqpetile, kxmule-esz' nginimu nrla nc olivi kzble. Mz nzmu-krde lcde, trnarblxpwzu bade kalr nzaxvctr-mou-krde lr Jiu kcng tznginidr nrla nc olivi angidr.