4 Yawe, trnginipqu Gct kx abrtzlvzle da kxtrka. X trmnc-lxblrwamuu mz kxdrka'-ngrng.
A' krkcng tzesabrng x tzpokia-zvzng, Trtxpnzngr nzmnctr-krmlr bange.
Yawe sc tqobqtr zvz mz nzmnckr kxnztubqng x kxdrka'-ngrng. X pxtxpx-ngrde nzrmcngr kxnzrnibqng.
Leplz kxnztubqng sa na-awibzng bam, X namnc-zvzamu badr.
Mz nzale-krmu da lcng sc tqmnc-lrpinebo. X rpiamu mz drtwrmu, mrlzm bange nzale-krmuleng. A' trtingr! Murde da kcng tqvz-rbrtiamu delcng tqaplxtipx-atebo bamu.
Suti drtwrnge nzxngi-krbo nzulrm Mangr-nzangiongr Mz nzmc-krnge zmatq x zluli rm.
A' opxm kx drtqm satrpem bange, X sc tqesablqtipeq ninge.
Krlc aelwapx-ngrde nzmrlzkr Yawe, X nztubq-krde mz nzngini-krde butqbr kc tqrlakitrx.
Px-ngrn nzngi-te-krmu badr kxnzetung kxdrka'-ngrng Mz nzrnzlvzo-krdr loukxtr scm.
Rpibz Jiszs bade kx, “Doa kx mrlztile ninge yrlq-angidrle natqngeng. X mrlzti zlwz Trtenge, x sa navzmgr x namncpx-kzpgr bade.
Abzamu nzmnc-krmu badr leplz amrlx mz nrwx, myapxbz kxnzrlxngiting. X yrlqpx-lzbqamu mz alwx, murde krkcng nqmq krdr drka'ngr, trtxpnzngr nzmnc-krdr ncdr Kxetu Heven.
A' trnayc-zlwzu mz drtwrgu da lc. Murde obqtipxku nzatutrkr Gct nzesalz-krde mz nzwz-krde bongavz x nrlc kxnzmrnang, kx nangi mrnyz kxnztubqng.
X Mzteadau lc tryzlr-ngru mz zyzlr ngr nepi o temz, murde zluli r Gct ncdr Nei Sip, dela na-angrlxpele nide.
A' trtxpnzngr da kx trtakitrdeu mz nzobqkr Gct kx naprtrpzng mz Mzteadau, x trpnzngr leplz kx nzrtrngz-abeaneng da kx myangr drtq, x kxnzpokiang. A' nangi txpwz krkcng drtqdr tzyrope mz Buk ngr Nzlungr sc Nei Sip, nidr lang kx naprtrng elr.