Sam 5:11 - Natqgu

¹¹ A' leplz amrlx kcng tzabrtrpzlr drtwrdr bam na-abrtzng. X nangr-along mz nzelalz-krm drtwrdr. Aclve-angidr kxnzmrlztilr nim Murde nabilvzlr nim.

Sam 5:11 ပူးပေါင်းရင်းမြစ်များ

Sam 2:12

Yrngzobzmu mz Mrlxde, Murde ma tqodatile nimu, Mz zngya ngr drtwrde kc tqwou. A' nimu amrlx kcng tzrlatrpzng bade, sa namnc-zpwxamu.

Sam 35:27

A' kztengeng kcng tzsuti drtwrdr kx natubqbo mz nzobq-krm, batrpz badr nzmalqlvz-krdr nim, Mz nzrpi-zvz-krdr kx, “Yawe, myalz-esz'-ngrn! X abrtzlvzq nzmnc-zpwxkr kxnzawz nem.”

Sam 40:16

A' amrlz krkcng tzbrti drtwrdr nim Mz rka-krbzme badr nzabrtz-zlwzngr, Murde na-awi-zvz-ngrbzlr bam nzarlapx-krm nidr Mz nzrpi-krbzlr kx, “Gct, nim kx myatxlz-esz'ngr.”

Sam 58:10

Zbz nigr kxnztubq nemqng sa na-abrtz-zlwz-ngrgr nznibqti-krm kxdrka'ngr lcng. X sa naelalvzkr nzyrlekr mepyr ngrdr.

Sam 65:13

Angrlvzkr nzyrlvzbqtikr animol negrng, X malqkr murde nrlanc nyzgrng brtipeng x ycpe pipz nzrkqlzngr.

Sam 68:3

A' nigu kxnztubqng abrtzlvzku nzmnc-aepztr-krbzku bade, Mz nzbilvz-krgu x nzmalqlvz-krgu nide mz nzelangr.

Sam 69:36

X sa na-aprcbzle drtc' mz doa ne leplz nedeng, Murde leplz kcng tzmrlztilr nide namnc-zvzng elr.

Nzryr-krbz Pol Mz Lr Rom 8:28

Gct kqlele nigu mz nzngini-krgu leplz nedeng, mz nzvz-nqblq-krde drtwr kx yrlq-pnzle. Delc kxmule-esz' da kx prtzm bagu, nakrlzku kx Gct yrlqle drtwr lc mz nzamrlz-krde nigu kcng tzmrlztilr nide.

1 Korint 2:9

Trnzrkrlz-krdru lc tqrpi-kai Nzryrngrkxtr kx, “Trpnzngr kx rmc x xlr da amrlx kcng tqoliqti Gct mz nzrka-krbzle mz leplz kcng tzmrlztilr nide. X trpnzngr kx aoti drtwrde da lcng.”

Jemes 1:12

Sa namrlzbz mz doa kx tu-amqngi mz nzkxpungr x drtwrde trlcu. Murde mzli kc nzkxpungr lcng nayrkrpx-ngrbzle, sa nakabz Gct bade da kc tqmrlz tqngi nzlungr kxboi. Murde esalz-ngrde kx nakabzle mz leplz kcng tzmrlztilr nide.

Jemes 2:5

Lalztq-angidrmamu, kx mzlengeng x inwengeng. Gct mcpxle kxtrnzrngiscung mz nrlc ka murde nabrti zlwz drtwrdr nide x natwzlr da kcng tqvzpxm bade mz nzngini-krde King rdr x narmctilr nzlungr kxboi Heven. Murde da lcng tqpipxle nakabzle mz leplz kcng tzmrlztilr nide.

Nzaelwapxngr 18:20

Mz nzmu-krde lcde, abrtzamu nimu lr Heven, nimu badr aposol, x profet, x leplz nengeng amrlx, murde odati-ngrne nide mz nikeng alebzleng bamu.”