8 X wxbu mz tron kxtr nyzde, Mz nzaclve-krde neidu amrlx.
X sa na-ayrplapxle lr mrkzbleng mz nznibqti-krde nidr amrlx. X sa na-aovxio-atwrnr-ngrde king rdrng mz nrlc tulvzo.
Yawe myatxlz-esz'ngr. X takitrde nzglqlz-krgu nide Mz mzteadau nyzde kc tqycom Saeon, newz kxtr nyzde.
Nou nzaclve-krm nrlc nidr seleng: Nztubqngr, nzrsakrlrngr, nzaodu-zvzngr, x nzangidatingr.”
Clvetio-lzbqx x rpiq kx tubqx. Clveq leplz amrlx mz nzwxbuo-krme mz tron, x ayzlu-ngrbzme da badr.
Yawe, nim King kc tqmyatxlz-esz'ngr, x rngiscm zmatq. Wz-ngrn nrlc x tu-amqngio me yc-ngrde x trycngrlru.
Px-ngrn nzngi-te-krmu badr kxnzetung kxdrka'-ngrng Mz nzrnzlvzo-krdr loukxtr scm.
Eu, napipxbzku mz neidung amrlx kx Yawe nide King r nrlc, x atu-amqngile nrlc mz trnzycngrlr-krdeu. X sa na-aclvele lr nrlc amrlx mz nzrsakrlrngr.
Mrlz lr nrlc amrlx nzabrtz-krdr murde Yawe nide King kc tqmyatxlz-esz'ngr. X lr trmctu naelalz-ngrm drtwrdr kz nide.
Yawe nide King, kx myaszlzle enjrl kcng tzmatqng tztu-ngalelvzlr tron nyzde. X leplz amrlx mz nrlc tulvzo narnrcti-lzbqtr-ngrbzlr bade.
Yawe matq-esz'ngr Jerusalem. X nzmyalz-esz'ngr-krde myaszpxle lr mrkzbleng amrlx.
Dekc, nelzgu nabr mz nzmnc-aepztr-krbzku mz Gct kc tqmrlz-esz'ngr. Murde krlzku kx sa nayc ngr drtwrde nigu x naokatrle nigu mzli kc tqkxpu-ngrgu, mz nzvz-nqblq-krde zmrlz ngrde kxmyalz.
Zbz xlr-moux kc natq kx apule nzycmne-katokr zbo ngr leplz, x apu-kzle nzyrlekr me talipx ngr lue, x apu-kzle nzyrpupxkr bzlrmei. Nzrpilr kx, “Awi Yawe! Naglqpxku Gct! Murde Kxetu Gct kc tqrninr, nide txpwz King r leplz amrlx.
Zbz obq-rmwible-moux, x mcx Gct nzwxbuo-krm mz tron kxetu kxprki. X opxm kx drtc' ncdr bongavz nzdwaszlr nide, x trnzmc-pnzung.
