Sam 42:8 - Natqgu

⁸ Murde vz zvz nzpulio-krme nivz lrm mz zbq kang kqlu. X ngrbo bam mz nrlckxbq vzmi nzkrka'-krnge murde nim Gct kx rkam nzlungr bange.

Sam 42:8 ပူးပေါင်းရင်းမြစ်များ

Sam 124:4

X trnznibqlru nigu mz nzapu-krdr srkau kx mrilvzole nigu. X nrc kxetu ngr srkau lc trabooleu nigu.

Sam 133:3

X nzesz'tikr drtwr mrlzvxi apule nzdco-krm tewa Mz newz nyzgung mrkc tqmingr zvz. Murde da kc tqmrlzting amrlx tqkam Yawe bagu nzvzpxmqng Jerusalem, Myapxbz nzmnc-zpwx-zvz-krgu mz drtc' nyzgu.

Sam 149:5

Delc nigu kxnztrng nabilvzku nzaovxio-krgu. X nangr-abrtzku mz nrlckxbq krlzbzle mz nrlckxngrlx.

Sam 16:7

Yawe, naglqlz-zvzx nim mz nzmailz-krm ninge. Murde mz nrlckxbq aopxme nabznge mz nzaongr drtwr kxmrlz.

Sam 27:1

Yawe, nim Mevalu rnge kx arlapx-zvzle ninge. X trpnzngr kx namwxlrtix. Trnarnrcti-lzbq-ngrneu murde nim lrpalvc nyznge.

Sam 32:7

Nim me rlakitrx x ayrbqpxq ninge mz da kxprtz. Mzli lc tqxlrx nabz kxyrlvi kx nim nou nzrlapxngr.

Sam 44:4

Gct, nim King rnge. Nim kx rngi-batrp nzaovxio-krgr, nigr neidu lr Jekop.

Sam 57:3

Sa na-ayzlume natqnge Heven mz nzarlapx-krm ninge. X na-amyatibzme drtq krkcng tzrnzlvzolr ninge. Murde aodu-zvzq ninge, X angidati-zvzq natqm.

Sam 63:6

Mz nrlckxbq kang kqlu aoti zvz drtwrnge nim, Vz vz nrlc ngrlxtxpx.

Sam 77:6

X drtwrnge ao-zlwzx mz nrlckxbq. A' drtwrnge kc tqveabe kx,

Sam 88:8

Ngi-batrpe' nzngangrkr kztengeng ninge mz nzmwxlrti-krdr zyagox lc tqdwatimle ninge. X trpengr me nayrbqkipxx.

Matiu 8:8

A' rpibz kxetu kc mz Jiszs kx, “Eke, Kxetu! Bzkq kxpuneme nzvz-ngrm ma nyznge. Murde trtakitrpwc'u nzdwatr-krme ma nyznge. Krlzx kx rngiscm zmatq kxmyalz zlwz. Pi txpwz dq ye natq, x ncblo nenge sc tqmrlzpe.

Aposol 16:25

Mzli kc mz aurnrlc, Pol ncdr Saelas tzkrka'ng x tzglqlzlr Gct mz nzngr-krdr nabz kxtrng. X krkc-kzng tzamncng mz presin sc tzlalztqbzng badr.

Kolosia 3:3

Murde apuamu kxnzbzpeng mz nzaxvctr-krbzmu mz nzbzkr Kraes. X sc tqaovxiopele zmatq ngr alwx. Mz nzmu-krde lcde, nzlu-krmu angidr trnzaelwapxkangr. A' sc tqyc-kapqtrbepz mz Kraes kc tzmncng ncdr Gct.