Sam 42:6 - Natqgu

^6-7 Gct rnge, mzli boipe trnzkrlzpe-krpou Israel. ?Memule tqpulio-zvz-ngrme bange nzkxpungr mz nzapu-krde lue kxvo? Nzvzdz-krm nelznge vz-ebirnrpe-ngrm bange apule nrc kcng tzyrplalvzolr ninge. X nztalvzokr nabznge xplr-zlwzpe apule nzyrpukr lue kxtalio mz nabzde. X ebio ngr srkau amrlx kcng tqatwzlr-ngrme nzalxlvrtine-zvzlr ninge. A' nadcpx mz drtwrnge da kcng tqmyalz tqaleq Israel, Mrkc tqyrlengr LueJodzn x tqycngr Newz Hemon x Newz Misa.

Sam 42:6 ပူးပေါင်းရင်းမြစ်များ

Sam 133:3

X nzesz'tikr drtwr mrlzvxi apule nzdco-krm tewa Mz newz nyzgung mrkc tqmingr zvz. Murde da kc tqmrlzting amrlx tqkam Yawe bagu nzvzpxmqng Jerusalem, Myapxbz nzmnc-zpwx-zvz-krgu mz drtc' nyzgu.

Sam 22:1

Gct! Gct o! ?Memule tqvzszpe-ngrn ninge? ?X memule tqpxtxpx-ngrn nzokatr-krm ninge x trlalztqpepqu mz nzkrka'-krnge?

Sam 43:4

X na-angiox nim mz olta nyzm, Mz nzngini-krm nou nzabrtz-krnge. X na-angrlvzx nim mz nzayrni-krbo gita bam.

Sam 43:5

Kxmule-esz' nabznge talvzo x nelznge vzdzm, A' sa na-abrtxtrpwo drtwrnge bam. Murde naglqlz-mou-ngrne nim kalr, Mzli kc na-arlapxq ninge.

Sam 61:2

Kqlex nim murde mncx esz'-krnge, x nabznge talvzo zlwz. Vzmibz ninge mz butqbr kxmqngi.

Matiu 26:39

Vzszpxle nidr kxpipz x sc tqrtco-lzbqpengr mz drtc' mz nzkrka'-krde. Rpile kx, “Trtenge, nzmu kx tqrlrpx-ngrnle, trsutiu drtwrnge nzrlrpx-lzbq-krnge mz nzetqkr drtqnge x nzbzngr. A' bzkq vz-nqblqq me pnz drtwrnge, a' nangi zvz me pnz drtwrm.”

Matiu 27:46

X mzli lcpwz, Jiszs sc tqetumipe natqde, nzrpi-krde kx, “Eli! Eli! ?Lama sabaktani?” Drtwr ngrde kx, “Gct! Gct o! ?Memule tqvzszpe-ngrn ninge?”