Sam 40:3 - Natqgu

³ Alvztrpe' bange kc nabz kxmrna mz nzrglqlzngr nim. X mzli kc naxlrngr leplz nzngr-krngele, sa na-angiolr nim x na-abrtrpzlr drtwrdr bam.

Sam 40:3 ပူးပေါင်းရင်းမြစ်များ

Sam 119:133

Okatrp ninge mz nzvz-nqblq-krnge me pnz drtwrm, Murde alwx ma tqmailz-rbrle ninge.

Sam 142:7

Aopxbz drtqnge mz nzkxpu-krngeng murde na-awibo bam, X kxnztubqng natu-ngalelvzlr ninge mz nzglqlz-krdr nim mz nzamrlz-zlwz-krm ninge.

Sam 144:9

Gct, sa nangr-ngrbo bam nabz kxmrna. X na-angrlvzx nim mz nzayrni-krnge gita.

Sam 27:5

Murde krlzx kx sa na-aclve-angidrq ninge mz mzli r nzkxpu-krnge. X na-amnc-kapqq ninge mz Mangr-nzangiongr nim, mz nzngini-krm butqbr kx rlakitrx.

Sam 33:3

Nangr-ngrbzku bade nabz kxmrna, Mz nzmalqlvz-krgu nide.

Sam 35:27

A' kztengeng kcng tzsuti drtwrdr kx natubqbo mz nzobq-krm, batrpz badr nzmalqlvz-krdr nim, Mz nzrpi-zvz-krdr kx, “Yawe, myalz-esz'-ngrn! X abrtzlvzq nzmnc-zpwxkr kxnzawz nem.”

Sam 37:23

Oblamzngeng, bztipex nzmncngr, x ninge ka tqnginipenge lrtzlvz. X mcx kx nqmq kr ncblo kxtubq nide sele. Okatr-zvzle leplz mz nzrlr-nrbalq-krde dztudeng, x doa nedeng ngi da kxmrlz kx kabz Gct bade. Yawe okatr-zvzle nide x doa nedeng trnzyrnitrpwzung nadr dakxnzng. Pq mz drtwr Yawe nzaelwa-krbzle mz leplz lrpzki kx nao-zlilr, X mailz-zvzle krkcng tzabrtz-ngrdr nqmq krde. Pipxle kx kxmule-esz' nanycdr miglqpx, a' trnztaoung, Murde sc tqlolvz-amqngileng.

Sam 52:6

X kxnztubqng sa na-amrlue-ngrdr Gct nzayrplapx-krde nim. X sa nayrpalelvzlr nim mz nzrpi-krdr kx,

Sam 69:3

Gct, drtqnge satxpe x drtwrnge kaatxpe mz nzkqle-zvz-krnge nim. Mzke' ngqbqtxtrpebz mz nzaenzli-zvz-krnge nzvz-krme.

Aposol 4:4

A' leplz nzkqlung nzlxngitilr nrpa kc tzyapwxtipxlr. X nzkqlukr ncblo kcng tzrlxngiti-kaing badr kxnzrlxngi-ateng, krlzbzle siu-nzlvqn (5,000), a' olvz badr doa kxnztopwzng trnzrlwxtrpwzung.

Nzaelwapxngr 14:3

Leplz kcng siu-trtqki-esz'-nzpnu-pwx-nrade-pwx (144,000) nzngr-ngrdr kc nabz kxmrna mrkc tqlxlvrkipx Gct, badr kxnzlung kcng pwx, x kxnzaclveng kcng nzpnu-li-nrade-pwx (24). Nabz lc tzngr-ngrdr trpnz-moungr kx ryatitr nzrngrngr, a' ngi txpwz krkcng tzxpetrpeng mz lr nrlc.