Sam 40:17 - Natqgu

¹⁷ Kxetu, trxplrwxu x trpnzngr scnge zmatq. Bzkq mrbrtr mz drtwrm ninge. Murde nim txpwz Mevalu rnge. Bzkq asaq nzokatr-krm ninge.

Sam 40:17 ပူးပေါင်းရင်းမြစ်များ

Sam 109:22

Murde ninge ncblo txne kx tr-rngiscu, X drtwrnge vztx zlwz.

Sam 34:4

Da kcng tqmwxlrtix, arlapxpebz Yawe ninge mz da lcng amrlx. Murde mzli kc tqkrka'-ngrbo bade, ayzlumle natqnge.

Sam 34:6

Gct, mzli kc nzmnc-krnge tqtrka-ngrde, arlapxq ninge, Mz nzatutr-krm nzkrka'-krnge.

Sam 35:27

A' kztengeng kcng tzsuti drtwrdr kx natubqbo mz nzobq-krm, batrpz badr nzmalqlvz-krdr nim, Mz nzrpi-zvz-krdr kx, “Yawe, myalz-esz'-ngrn! X abrtzlvzq nzmnc-zpwxkr kxnzawz nem.”

Sam 40:5

Yawe, nim Gct rgr x trpnzngr kx apule nim. Aleme bagr da kxkqlu mz nzatutr-krm drtwr kx yrlqq mz nzamrlz-krm nigr. Drtwrnge yrpz'trpz nzrlwxngr da lcng amrlx, Murde nzkqlu-zlwzng.

Sam 54:4

A' nim Gct kx okatr-zvzle ninge, Mz nzngini-krm Kxetu rnge kc tqmnc-xgle-zvzx.

Sam 69:33

Murde lalztqbzme mz kxtrnzrngiscung, X trmrbrtru mz drtwrm leplz nemqng kcng tzkxpung.

Sam 70:5

Yawe Gct, trxplr-zvzwxu, x trpnzngr scnge zmatq. Vz-anim, kx Gct. Murde nim txpwz Mevalu rnge. Bzkq asaq nzokatr-krm ninge.

Sam 86:1

Yawe, xlrm nzkrka'-krnge, Murde trxplrwxu x ninge ncblo txne.

Matiu 8:20

A' rpibz Jiszs kx, “?Krlz-angidr-kzq da kx ycpxm mz nzrvz-nqblqngr ninge? Murde fokis nzmnc-zpwxng mz ma nyzdr kx yclzm mz gq. X utc nzmnc-zpwx-kzng mz ma nyzdr kx ngi nrla r nounc. A' ninge Mrlx Leplz, trmnc-zpwxwxu, murde lr mrnyzngeng nzpxtxpx-ngrdr ninge. X sa napxpx-kz-ngrdr nim. ?Myx kxmule, navz-nqblqpeq ye ninge?”

2 Korint 8:9

Murde Kxetu rgu Jiszs Kxnzmcpx aelwapx-ngrbzle zmrlz ngrde kxmyalz bamu. Rlaszmle Heven mz nzngini-krde bcnyr elr, mz nzngini-alzu-krde kxtr-rngiscu mz nrlc, murde naprtr-kzamu mz da kxmrlzting sc Gct kcng tzvzpxmqng mz nzwz-krde kx etq-nrbalqngr drtq mrka.

Hibru 13:6

Mz nzmu-krde lcde, nelzgu nabr mz nzrpi-krgu kx, “Trtxpnzngr nzmwxlr-krnge, murde Yawe tu-zvzm mz nibrnge. X trtxpnzngr leplz kx krlzle nzatrkati-krde ninge.”

Jemes 2:5

Lalztq-angidrmamu, kx mzlengeng x inwengeng. Gct mcpxle kxtrnzrngiscung mz nrlc ka murde nabrti zlwz drtwrdr nide x natwzlr da kcng tqvzpxm bade mz nzngini-krde King rdr x narmctilr nzlungr kxboi Heven. Murde da lcng tqpipxle nakabzle mz leplz kcng tzmrlztilr nide.

1 Pita 2:23

A' mzli kc tzpibqti-ngrde, trpnzngr natq kx ayzlubzle badr. X mzli kc tzaetq-ngrbz drtqde, trpnzngr natq ngr nzamwxlrngr kx pi-mopwzle badr, a' abrtr-zvzbzle drtwrde mz Gct kc tqtubq mz nzayzlu-krbzle da mz leplz.

1 Pita 5:7

X twzbzmu mz Gct nikeng nzatalvzobzlr nabzmu, murde sa tqaclve-angidrle nimu.

Nzaelwapxngr 22:20

Jiszs kc tqycmnetr-ngrde da lcng amrlx rpile kx, “Da zpwxtx! Mzli trnzboi-krdeu x ninge kc tqyzlupe-mopwc'.” X kxnzrlxngiting amrlx nzrpibzlr bade kx, “Eu, angida! Vz-anim, kx Kxetu Jiszs!”