4 Bzkq nabztq ngr nelzmu mailzle nimu mz alwx. A' na-aoti drtwrmu nqmq krmu mz nzyrbq-lrpi-krmu mz nelvq nyzmu mz nrlckxbq.
Yawe, kxnzetung nzatrkati-krdr ninge trpnzngr noude, A' amatq-zlwzx natqm.
Gct, krka'bo bam murde lalztq-zvzme bange. Kxetu, xlrm natqnge.
Narnrctrpzmu mz nzamrlue-krmu Yawe, X mz nzwztr-krbzmu bade.
Nzrpilr mz nzyapwxti-krdr ninge kx, “Gct trtxpnzngr nzokatr-krde nide.”
Delc tqrlxti-ngrbo nzokatr-krm ninge, X ayzluome natqnge mz newz kxtr nyzm.
Nigu leplz amrlx mz nrlc, ncblo, olvz, x doa kxnztopwzng, Na-amrlueku x na-amatqku Yawe, Kxrpalz.
X rpile kx, “Bzkq ota-zvzamu. A' metxpemamu bange murde ninge txpwz Gct. X ninge txpwz kx myatxlzbz mz neidu amrlx mz nrlc tulvzo.”
Mz nrlckxbq kang kqlu aoti zvz drtwrnge nim, Vz vz nrlc ngrlxtxpx.
X drtwrnge ao-zlwzx mz nrlckxbq. A' drtwrnge kc tqveabe kx,
Naobqtitramu nabzmu. Doa kx esz' mz nimu, nakrlzle kx Jiszs mncpxm mz nabzm o trtingr. Murde nzmu kx tqlxngiti-angidrpeq Jiszs Kxnzmcpx kc tqbz-ngrde nim, nakrlz-kzq kx abrtrpzme drtwrm bade mz nzyapwxtipx-krbzkr nide bam. A' doa kx Jiszs trmncpxpuu mz nabzde, trnginideu kxrlxngiti angidr.
Kzdung zngya ngr drtwr leplz trngiu alwx. A' aclvetio-lzbqm mzli kc tqngyangr drtwrm, ma tqvz-rbrq. Murde tr-rblxu nzvz-rbrngr mzli kc tqngyangr drtwrm. X bzkq zngya ngr drtwrm boi nzkrlz-krbzle nzmwi-krm mz nrlckxbq.