Sam 4:3 - Natqgu

³ Murde nakrlzamu kx Yawe mcpxle nigr leplz kxnztubqng kx nanginedeng. X mzli kc nakrka'-ngrbo bade, sa na-ayzlumle natqnge.

Sam 4:3 ပူးပေါင်းရင်းမြစ်များ

Sam 31:23

Nigu leplz neng Yawe naka-lzbqbzku bade. Murde aclvele kxnzvz-nqblq-zpwxlr nide, a' ayrplatipxle kxnzglqpx-lzbqng.

Sam 34:15

Rlxtibz ncblo kxtubq mz Yawe nzokatr-krde nide. X Yawe sa naxlrbzle nzkrka'-krde mz nzaclve-krde nide.

Sam 49:3

Murde natqnge otxpx, X alvztr-ngrne nzyrplapxngr,

Sam 50:5

X rpibzle mz lr Heven kx, “Vzmimamu krkcng tzlxngitilr ninge, X drtwrgr badr tqesz'ti mz nzangc-krmlr bange blz krdr, murde nayrlwr-ngalelvzlr ninge.”

Sam 56:9

X krlz-zpwxx kx mz nzkqle-krnge nim, sa navzme x enqmi rngeng nadwaszlr ninge. Murde tu-zvzme mz nibrnge.

Sam 6:8

Nimu leplz kxdrka'-ngrng amrlx, dwaszpeamu ninge! Murde Yawe sa tqlalztqpem mz nzyrni-krnge.

Sam 62:10

X mz nzrtwz-krmu da kx suti drtwrmu, bzkq brti drtwrmu nzamwxlr-krmu leplz x nzpna-krmu dztudrng. X kxmule-esz' nimu bcnyrng, bzkq abrtrpzmu drtwrmu mz trau scmu.

Nrpakxmrlz Kx Yr Jon 15:16

Trmcpxwamuu ninge, a' mcpxx nimu murde nramu nakqlu zvz. X da kznike rlxtibzmu mz Trtenge mz zmatq r drtqnge, sa na-angidabzle.

Efiszs 2:10

Gct wz-ngrde nigu mz nzmnc-krgu mz nrlc ka mzli ka. X alule mqngrgu mz nzaxvctr-krbzle nigu mz Mevalu Jiszs. X mzli kc pnz, yrlqle drtwr mz da kxmrlzting kx suti drtwrde nzale-krguleng.

2 Timoti 2:19

A' krlzku kx nzalvztrngr angidrng kc tqkabz Gct sa natu-amqngi-alo. Murde Nzryrngrkxtr rpile kx, “Yawe krlz-angidrle nekeng leplz nedeng.” X rpi-kzle kx, “Leplz amrlx kcng tzplzpxlr kx nzlxngitilr Kxetu naesablqtilr nqmq krdr kxtrka.”

Taetus 2:14

Murde rlrpx-lzbqngr Jiszs nzbz-krde nigu, murde na-arlapxle nigu x trnamnclzpepwzkuu mz zmatq ngr alwx, a' nzmnc-krgu natubq x nanginigu leplz nedeng kcng drtqdr tqvq mz nzale-krgu da kxmrlz mz nzobq-krde.

1 Pita 2:9

A' nimu “nqvi kc tqmcpx Gct,” x “pris kcng tzwztrpzng mz King rgu” Jiszs. X ni-kzpu' “dzbede kxtr kc tzamnc-bekapx Gct,” murde nanginimu “angidr leplz ne Gct esz'-krde.” X kqlele nimu mz nzyapwxtipx-krbzmu mz leplz zmrlz ngrde kxmyalz. X kapxmle nimu mz zmatq ngr alwx, murde naprtramu mz nzkrlz-angidr-krmu nide.

2 Pita 2:9

Krlcng nzaelwapx-ngrdr kx Gct krlzle nzarlapx-krde leplz nedeng kxnztubqng mz nzetqkr drtqdr. X krlz-kzle nzlolvz-amqngi-krde leplz kxdrka'-ngrng mz nzamnclz-krbzle nidr mz zmatq ngr nzayrplapx-krde nidr, vz-krlzbzle mzli kc nayzlu-ngrm Jiszs mz nzayrplapx-zpwx-krdeleng.