2 ?Nimu leplz, myx mzli kx naesakingr nzatrkati-krmu nzmyalz-krnge? ?X myx mzli kx naesakingr nzmrlzkr bamu da kx ngi brmrda x nzpokiangr?
Nztekqtrlr nzangio-krdr Kxrpalz kc tqmyalz, tqrwzngr kzu amrlx, Mz nzangio-alzu-krdr mqngr kzu kc tzwz-ngrdr esz'-krdr.
Vz zvz nzrpwa'-krbzlr me pnz drtwr kxnzrlxngiting. A' Yawe mnc-ngalelvzle leplz nedeng.
Lr mrkzbleng nzngqngung mz nzngyatikr drtwrdr Yawe. Murde mane nzyrlqtingr drtwr mz nzatrkatingr nide.
A' Yawe, nim kx mnc-ngale-zvzle ninge. Nim nou nzaovxio-krnge x nim kx apqtrp drtwrnge.
Kxetu, abrtxtrpo drtwrnge bam, A' pxtxpx-ngrne krkcng tzangiolr mqngr da txneng kx nzlz.
Odatiq kxnzpokiang, X obqszo-zvzq kxnzrnibqng x kxnzesabrting.
X mrlz nzkrka'-krmamu bange mzli kc tqkxpu-ngrnamu, Murde naglqlzamu ninge kalr mz nzarlapx-krnge nimu.”
Nztu-ngalelvzlr ninge ncblo ngr nzodangr. Spiz x nipna scdr nzapulr nqngi kx malc, X natqdr nzaetq-krdr drtq apule nzrluplxtikr toki r vea.
?Kxnzetung, myx kxmule, nzaclve-krmu tubq, X rsakrlrngr angidr?
Nimu kxdrka'-ngrng. X ale-zvzamu da kxtrka, Yzuo pnz mzli kc tzmcngr mzpu.
X ninge, king nem, sa na-abrtzlvzx nim, Murde ngi-batrpe' nzaovxio-krnge. X krkcng tzabrtrpzlr drtwrdr bam, sa nabilvzlr nim. Murde sa nangi-batrpzme mz kxnzpokiang nzmnc-lrpi-krdr.
Murde nzaclve-krde nigr leplz nemqng namrlz, X na-atubqtibzle da mz kxnzobqszong.
Lr Jiu kcng nzprtrpzng mz nzpipx-krdr da kx vz-rbrtile x nzrpi-kzlr kx da lcng ngi da zpwx.
Dekc tqrpingr Nzryrngrkxtr kx, “Doa kx rpile naglqpx-lzbq, naglqpx-lzbq-ngrde nike alebz Kxetu rde bade.”
Mz nzmu-krde lcde, bzkq pokiapebzmu mz kztemung, a' rpi-etramu da angidr. Murde nigu amrlx ngrgu leplz ngr nrkrdrtq kcpwz.