Sam 4:1 - Natqgu

¹ Gct, ayzlum nzkrka'-krnge, Murde dwaki-zvzme bange. X mzli kc tqkxpu-ngrne, okatrq ninge. Delc naycngr mz drtwrm ninge x naxlr-ngrme natqnge.

Sam 4:1 ပူးပေါင်းရင်းမြစ်များ

Sam 11:7

A' krkcng nabzdr tqlqngi sa namncng badr, Murde Gct tubq-esz'ngr x mrlz bade da kxtubq.

Sam 116:16

Yawe, ninge kxnzawz nem, da kc tqwai lxenge mzli kc. Awi mz nzarlapx-krm ninge mz nzbzngr.

Sam 116:6

Okatrle kxtrnzxplrung, murde arlapxbzle ninge Mz nzkxpu-krngeng. Okatrle kxtrnzxplrung.

Sam 119:132

Nayc mz drtwrm ninge, Da kc tqwaibzme mz krkcng tzamrluelr nim.

Sam 143:2

Bzkq ayrplapxq ninge, kxnzawz nem, Murde trpnzngr leplz mz nrlc kxtubq mz nzobq-krm.

Sam 17:6

Gct, krka'bo bam murde lalztq-zvzme bange. Kxetu, xlrm natqnge.

Sam 22:1

Gct! Gct o! ?Memule tqvzszpe-ngrn ninge? ?X memule tqpxtxpx-ngrn nzokatr-krm ninge x trlalztqpepqu mz nzkrka'-krnge?

Sam 24:5

Leplz kxnzmulr lcng nztubqbzng mz nzobqkr Yawe. X Gct r Jekop lc sa na-amrlzle x na-arlapxle nidr.

Sam 25:16

Suti drtwrnge kx naobqme bange x nayc mz drtwrm ninge. Sutitx drtwrnge murde trpengr kztenge x trmnc-zpwxpewxu.

Sam 31:8

X tr-rlr-ngrpwzmeu ninge mz mq enqmi rngeng, A' amnc-nrwx-ngrbzme nabznge mz nzvzne-krnge.

Sam 41:12

Sa naokatrq ninge nzale-krnge da kxtubq, X namnc-alotrpebo bam.

Sam 42:1

Gct, nzmingrti-zlwzkr drtwrnge nim Apule animol kc drtwrde tqbrlxkz mqde lue.

Sam 45:1

King rnge, krlc nabz nenge kx nangr-ngrbo bam. Nabznge esz'ngr natq kxmrlzting. X nzngqpx-krm natq mz naonge Apule nzyrlepx-krm lue mz butqbr.

Sam 56:1

Yawe, nayc mz drtwrm ninge. Murde enqmi rngeng nzkqlu-zlwzng. X vz zvz nzmaneuti-krdr ninge x nzatrkati-krdr ninge, Murde nzrpilr na-aovxiolr ninge mz nzrnzlvzo-krdr ninge.

Sam 57:1

Gct, nayc mz drtwrm ninge mz nzaelwa-krme bange nzmrlz-esz'ngr-krm, Murde mnc-xglex nim mz nzmnc-zpwx-krnge mz mzlir nzkxpungr kxtrka. X na-apux nei bona kc tqmnclzbz mz nabx lxede, Mz nztu-krme mz nibrnge, navz navz mzli kx ayrkrpx-ngrn nzodangr.

Sam 6:1

Yawe, kxmule-esz' drtwrm ngya, A' bzkq pnanatiq x ayrplapxq ninge.

Sam 67:1

Gct, nayc mz drtwrm nigr, Mz nzamrlz-krm x nzokatr-krm nigr.

Sam 76:1

Lr Israel nzangiolr Gct. X drtqde nzkrlz-zlwzlr.

1 Korint 1:30

Murde nzaxvctr-krbzku mz Mevalu Jiszs trvzpxpuu mz da kcng tqaleku x mz nqmq krgu, a' vzpxm mz nzwzkr Gct. Murde Gct yrlqle drtwr kxyrplapx, kx nangi Jiszs kx na-atubqtile nigu mz nzobq-krde. X Jiszs kc naokatrle nigu, murde nanginigu leplz kxtr neng Gct. X ni-kzde kc naxpepxle nigu mz zmatq ngr alwx, murde namncku badr Heven.

2 Korint 1:10

Zbz mzli lc, Gct sc tqarlapxpele nigr mz nzbzngr. X abrtxtrpwzkr drtwrgr bade mz nzarlapx-zvz-krde nigr mz da kznikeng naprtzmqng bagr kalr.

2 Korint 1:8

Mzlengeng x inwengeng, nakrlz-angidramu kx mzli kc tqmnc-ngrgr mz provins kc Esia, leplz nzaetq-zlwzbzlr drtqgr. X nzxplr-krgr trtakitrdeu nztu-amqngi-krgr mz nzkxpu-krgr lcng. X mz drtwrgr, ycpe pipz nzbz-krgr. A' Gct rlr-ngrmle da lcng, murde bzkq brti drtwrgr nzxplr-krgr esz'-krgr, a' nabrti drtwrgr nide kc tqatulzmle leplz mz nzbzngr mz zmatq ngrde.