Sam 39:12 - Natqgu

¹² Yawe, xlrm nzkrka'-krnge x nzyrni-krnge. Murde nzmrbckr nzmncngr mz nrlc apunepwzle nzwoukr betepu.

Sam 39:12 ပူးပေါင်းရင်းမြစ်များ

Sam 102:1

Yawe, lalztqm mz nzkrka'-krbo bam. X xlrm nzyrni-krnge mz nzokatr-krm.

Sam 116:3

Ycpwz pipz nzbz-krnge, x sc tqmwxlr-ngrne. Nabznge talvzo-ngrde ycpwz pipz nzbz-krnge.

Sam 119:19

Ninge kxvztimle nrlc. Bzkq yrlq-kapqme bange me pnz drtwrm.

Sam 119:54

Mzli ka tqlube-ngrne mz nrlc, Natqm nangi zvz nabz nenge.

Sam 56:8

Krlz-angidrq nzrkrkxkr drtqnge. Murde aplxtipxpeq nztaliokr drlemzke' amrlx, mz nzyrtio-krmlr mz buk scm.

Sam 90:9

X zngya ngr drtwrm amrbctrple nzlu-krgr. X mz nzbz-ani-krgr apukr zycmini kx esz'.

2 Korint 5:6

Delc krlzku kx sa natwzku nrkrdrtq kzbleng lcng kalr. X brti drtwrgu kx Gct sa na-atutrle nzesalz-krdeng amrlx, kxmule-esz' trmckaku. X trpnzngr nzprmitr-krgu nrkrdrtqgu lcng tr-rblxu nzbz-krdr Heven. Mz nzmu-krde lcde, obqtipxku nzyrlqtxo-krgu nrkrdrtq mz nrlc ka, mz nzvz-krbzku mz Kxetu Heven, kc tqngi mrnyzgu angidr.

Hibru 11:13

Ncblo kxnzetu lcng nzbzmitxolr nzbrtikr drtwrdr Gct, kxmule-esz' trnztwzlru da amrlx kcng tqesalz-ngrbzle badr mzli kc tzmnc-ngrdr mz nrlc. A' se tzkrlzlr kx namclr kalr, x nzabrtzlvzlr. X trmyamiu naodr nzrplzpx-krdr kx nzapunepwzlr lr narnrlc x lr mrkzbleng kx nzoklamqng mz nrlc ka.

Hibru 5:7

Mzli kc Jiszs tqmncbe-ngrde mz nrlc, krka'bz mz Gct kc tqrkrlz nzarlapxngr nide mz nzbzngr x rlxbz da bade mz nzyrni-krde vzmi drlemzte. X ayzlubz Gct natqde murde Jiszs avzo-lzbq mz nzmnclz-krbzle bade.

1 Pita 1:17

Na-aoti drtwrmu kx Gct Trtemu kc tqkrka'bzmu bade, nzmc-krde leplz rsakrlrngr. Murde sa na-ayzlubzle bam nike aleq mz nrlc ka. Mz nzmu-krde lcde, namyatitramu nide mz da amrlx kcng tqaleamu mz nzngini-krmu lr mrkzble mz nzmnc-krmu mz nrlc ka.

1 Pita 2:11

Mzlengeng x inwengeng, na-apuamu lr narnrlc x lr mrkzbleng mz nzmnc-krmu mz nrlc ka, murde mrnyzmu angidr Heven. Mz nzmu-krde lcde, bzkq rlr-lzbq-ngrbzmu mz da kxtrka kx suti drtwr nrkrdrtqmu, murde ma tzaovxiolr nimu.