Sam 34:4 - Natqgu

⁴ Da kcng tqmwxlrtix, arlapxpebz Yawe ninge mz da lcng amrlx. Murde mzli kc tqkrka'-ngrbo bade, ayzlumle natqnge.

Sam 34:4 ပူးပေါင်းရင်းမြစ်များ

Sam 22:24

Kxmule-esz' nigu kxnzobqszong, a' Gct trobqszoleu nzkxpu-krgung, Murde trpxtxpx-ngrdeu nzayzlu-krmle natqgung.”

Sam 31:22

Mwxlrx murde opxm kx maszlrpx-ngrn ninge. A' xlrme nzkqle-krnge nim kx naokatrq ninge.

Sam 35:27

A' kztengeng kcng tzsuti drtwrdr kx natubqbo mz nzobq-krm, batrpz badr nzmalqlvz-krdr nim, Mz nzrpi-zvz-krdr kx, “Yawe, myalz-esz'-ngrn! X abrtzlvzq nzmnc-zpwxkr kxnzawz nem.”

Sam 40:17

Kxetu, trxplrwxu x trpnzngr scnge zmatq. Bzkq mrbrtr mz drtwrm ninge. Murde nim txpwz Mevalu rnge. Bzkq asaq nzokatr-krm ninge.

Sam 46:2

Kxmule-esz' nengq aycngrlrle nrlc, x newz nzbrkaong prla, X kxmule-esz' dxvo votrp x nrc oda, X newz nzycngrlr-ngrdr kz nzyrpukr nrc kxetuting, A' trmwxlrkuu murde abrtrpzku drtwrgu mz Gct.

Sam 56:3

A' mzli kznike mwxlr-ngrne, Abrtrpo drtwrnge bam.

Matiu 7:7

Jiszs rpi-mopwzle kx, “Rlxbz da mz Gct, x sa nakabzle. Rtangr da x sa narmctiq. Abc x naonrx sa nalvxpxbz.

Nrpakxmrlz Kx Yr Luk 11:9

“Mz nqmq lcpwz, rlxtibz da mz Gct, x sa nakabzle. Rtangr da x sa narmctiq. Abc x naonrx sa nalvxpxbz.

2 Timoti 1:7

Murde Mqngrkxtr ngi nou zmatq, nivz, x nzaclve-lzbqngr. A' trbatrpwzleu zmwxlr.

Hibru 5:7

Mzli kc Jiszs tqmncbe-ngrde mz nrlc, krka'bz mz Gct kc tqrkrlz nzarlapxngr nide mz nzbzngr x rlxbz da bade mz nzyrni-krde vzmi drlemzte. X ayzlubz Gct natqde murde Jiszs avzo-lzbq mz nzmnclz-krbzle bade.