Sam 32:5 - Natqgu

⁵ Pnzpe drtwrnge kx naplzpxbo alwx rngeng bam. X mz nzplzpx-krboleng, trpnzngr kx yrlq-kapqbo bam. Delc tqipqpe-ngrn ninge, X katxpx-ngrbzme nzmrlepukr alwx rngeng amrlx.

Sam 32:5 ပူးပေါင်းရင်းမြစ်များ

Sam 103:12

X mz nzipqpx-krbzle alwx rgung, Apule kx rtctx-ngrbzle rlru, me trpengr nzrmc-moungr.

Sam 103:3

Murde katxpxbzle alwx rngeng amrlx. X amrlzle ninge mz zyagox amrlx.

Sam 25:16

Suti drtwrnge kx naobqme bange x nayc mz drtwrm ninge. Sutitx drtwrnge murde trpengr kztenge x trmnc-zpwxpewxu.

Sam 25:18

Vz zvz nzaotikr drtwrm nzkxpu-krnge x nzetqkr drtqnge, Vzm x ipqpxbz alwx rngeng.

Sam 30:5

Zngya ngr drtwrm trboiu, A' nzaodu-krm nigr tqyc tqyc. Kxmule-esz' yrnibutikr nrlckxbq, A' nzyrni-krgr sa nalrtipxle nzabrtz-krgr mz nzmc-krgr zyzlr mz nourla kxtopwz.

Sam 38:18

Naplztxpxx nzvz-rbr-krngeng, Murde nzbatrplr nzkxnekr drtqnge.

Sam 38:19

Enqmi rngeng nzxplrng x nzlu-zpwxng. X nzkqlung kx nztrkati nivz lrdr ninge.

Sam 51:6

A' suti drtwrm kx nabznge navz-nqblqle nzmncngr angidr. Delc, na-alvztr-ngrn ninge murde nayrplapxx.

Sam 86:15

A' yc zvz mz drtwrm leplz, x zmrlz ngrm myalz-esz'ngr. X drtwrm trngya-aniu, a' nzaodu-krm x nzangidati-krm tqvzpe tqvzpe.

Sam 86:5

Murde mrlz-esz'ngrn nzripq-zvzngr. X aodu-zvzq krkcng tzkrka'bzng bam.

Nrpakxmrlz Kx Yr Luk 16:15

A' rpibz Jiszs badr kx, “Kxmule-esz' mz nzobqkr leplz nimu leplz kxnztubqng, a' Gct krlzle da kx tqyctipxm mz nabzmu. X kxmule-esz' nzpnzkr drtwr leplz le kx myapxbzmu, a' Gct obqszole nimu x angyabzmu drtwrde.

Nrpakxmrlz Kx Yr Luk 7:47

“Napibo bam kx olvz lc tqaelwapx-ngrde nzetukr nivz lrde mz nzipqpx-krbz Gct alwx ngrde kxkqlu. A' mrlx kx plzpxbzle alwx ngrdeng kxpipz mz Gct, Gct ipqpxbzle alwx ngrde kxpipz kz, x rblxbz bade nzxngi-krbzle nivz lr Gct. Mz nzmu-krde lcde nzmrlzti-krde Gct topwz.”

Efiszs 4:32

A' nivz lrmu namrlz x naycngr drtwrmu leplz kxnzkxpung x naokatramu nidr. X ipq-lzbqamu, da kc tqwai Gct mz nzipq-krde nimu mz nzaxvctr-krbzmu mz Kraes.