Sam 32:10 - Natqgu

¹⁰ Kxdrka'-ngrng sa na-ayrplapxng mz alwx ngrdrng. A' nigu kcng tqbrti drtwrgu Yawe sa namcku kx aodu-zvzle nigu.

Sam 32:10 ပူးပေါင်းရင်းမြစ်များ

Sam 11:6

X mz nzayrplapx-krde nidr, sa nartctio-ngrbzle badr muli rplz kxngc na-apule nzdckr tewa. X sa na-abxutile nidr mz nzulr nenq kxpq.

Sam 140:11

Suti drtwrnge kx krkcng tzpokiang nzmnc-krdr mz drtc' natangqneo. X da kxtrka nadwatibzle krkcng tzota-zvzng mz nzodati-krde nidr.

Sam 146:5

A' nangi da kxmrlz nzabrtr-krbzku drtwrgu mz Yawe. Murde takitrde mz nzmnc-xgle-krgu Gct r Jekop.

Sam 147:11

A' mrlzbz bade krkcng tzamrluelr nide, X tzmnc-xglelr nzaodu-zvz-krde nidr.

Sam 16:4

Nzkxpukr krkcng tzangiolr kxtrngiu Gct angidr sa nartxlvzlz zvz. A' trna-angiowxu gct rdr kxnzmncng mzlilxlr, X trnakrka'pou badr. X trtxpnzngr nzpulio-krnge mepyr ngr blz mz olta nyzdr.

Sam 2:12

Yrngzobzmu mz Mrlxde, Murde ma tqodatile nimu, Mz zngya ngr drtwrde kc tqwou. A' nimu amrlx kcng tzrlatrpzng bade, sa namnc-zpwxamu.

Sam 34:8

Jzsamu ena nzmrlzkr Yawe x na-abrtr-krbzmu drtwrmu bade. Murde krkcng tqaclveleng nzabrtz-zvzng.

Sam 40:4

Namrlzbz mz leplz kcng tzabrtrpzlr drtwrdr bam, Krkcng trnzprtrpwzung mz leplz kcng tzglqpx-lzbq-ngrdr x tzpokiang.

Sam 5:12

Yawe, amrlz-zvzq kxnztubqng. X nivz lrm o-ngalelvzle nidr Mz nzapu-krde temz ngr lomrdr kc tqyrputrngr nipna.

Sam 84:12

Yawe kc tqrninr, Krkcng tzabrtrpzlr drtwrdr bam nzmnc-zpwxng.

1 Timoti 6:10

Murde nzmrlz-krbz trau mz leplz ngi nou da kxtrka x alwx kxkqlu. X kzdung leplz, mz nzsutikr drtwrdr trau, nzesablqtipelr nzrlxngitingr angidr, x batrpzle nztalvzokr nabzdr x nzyrpz'kr drtwrdr.