Sam 31:18 - Natqgu

¹⁸ X na-aesakile natq kxnzpokiang x kxnzglqpx-lzbqng, Kcng tzxtrnga-ngrdr kxnztubqng.

Sam 31:18 ပူးပေါင်းရင်းမြစ်များ

Sam 12:3

Rlxtibo bam nzaesaki-krm natq leplz kxnzpokiang, X odati nidr mz nzglqpx-lzbq-krdr.

Sam 120:2

Rpibo bade kx, “Yawe, arlapxbz ninge Mz leplz kxnzpokiang x nzesabrng.”

Sam 25:3

Clvebz doa kc tqabrtr-zvzbzle drtwrde bam, murde drtqde ma tzamyatibz. Clveti-lzbq zvz doa lc, a' mrlx kx ani txpwz nzota-krmu ncdr, mrlz nzmyakr drtqde.

Sam 59:12

Batrpz mz nzglqpx-lzbq-krdr nzatao-mou-krde nidr. Murde mz nzycmne-krdr natqdrng ngi dalr alwx, mz nzrpibqtingr x nzpokiangr.

Sam 63:11

X ninge, king nem, sa na-abrtzlvzx nim, Murde ngi-batrpe' nzaovxio-krnge. X krkcng tzabrtrpzlr drtwrdr bam, sa nabilvzlr nim. Murde sa nangi-batrpzme mz kxnzpokiang nzmnc-lrpi-krdr.

Sam 94:4

Nzpivxitilr da kxtubq, X nzbilvzlr nzale-krdr alwx.

Matiu 10:25

A' nimu oblamzngeng x kxnzawz nengeng na-abrtzlvzamu nzapu-krmu ninge, kxetu rmu. A' kx tzrpilr ninge kc tqngi Trtemu Beelsebol kc tqngi Kxetu r Drka', sa nakqle-ngrbzlr nimu drtq kx nztrka-zlwzng mz nzngini-krmu lr ma nyzngeng.”

Matiu 12:24

A' kx nzxlrlr natq lc, sc tzrpipelr kx, “Beelsebol ela, kxetu r ma ngr wq, nide kc tqaclvele drka' amrlx x sc nide kc tqrkabz bade zmatq mz nzmaszlrpx-krde drka' mz leplz.”

Nrpakxmrlz Kx Yr Jon 8:44

Murde nimu doa ne trtemu, Setzn. Dekc tqmrlz-ngrbz bamu nzvz-nqblqngr me pnz drtwrde. Abzo mzli kc tzwzngr nrlc, Setzn tqngi Kxrnibq. X ni-kzde Kxapokia, murde da angidr trycpwzu bade. X mz nzpokia-krde vz-nqblq-txpwzle nqmq krde esz'-krde. Murde nide Mepokia x Nou Nzpokiangr amrlx.

Nrpakxmrlz Kx Yr Jon 8:48

Kx nzxlrlr natq Jiszs mz trnzngini-krplru doa neng Gct, nzrpibzlr bade kx, “Eke! A' nim trngiulrJiu. Nim lr Szmariz kxngangr! X drka' la tqmncpxm bam.”

Aposol 25:7

Mzli kc Pol tqkaputr-ngrbzle, lr Jiu kcng nztu-ngalelvzlr nide, x sc tzrping brmrda ngr natq kx vz-rbrti Pol kx trpnzngr me nztukitrlr.

Nzryrkr Jud 1:15

murde napipxbzle mz leplz amrlx kx nztubqng o trtingr. X mzli lc sa napipx-kzpzle mz kxdrka'-ngrng amrlx kx nzvz-rbrng mz da kxdrka'-ngrng amrlx kcng tzalelr. Murde nzvz-nqblqlr nqmq kxdrka'-ngrng, x nzpivxi-ngrdr Kxetu mz natq kxdrka'-ngrng.”

Nzaelwapxngr 21:8

A' krkcng tzmwxlrtilr nzbz-krdr mz nzvz-nqblq-krdr Jiszs, nzesablqtilr nide, x nzprszpxlr nide mz nzangio-krdr gct kx trngiu Gct angidr, nzrnibqng, nzrmwiming doa kx trngiu krnalzdr, nzrngineting dabo, nzangiong mqngr drka' kxnzlz, x nzpokiang. Leplz lcng sa nartco-ngrng mz Dxbu Nyr kc tqngc mz rplz salfz. Krlc nzbzngr kxrmnrngr, x leplz lcng nzlakipx-lzbqmqng bange, tqyc tqyc.”

Nzaelwapxngr 22:15

A' kzdung kz leplz kcng tzvz-nqblqlr nzmncngr kxtrka, trtxpnzngr nzvztr-krdr Mzteadau. Leplz kxnzmulr seng: kxnzryzplengz-ngrng, kxnzrmwiming doa kx trngiu krnalzdr, kxnzrnibqng, kxnzangiolr mqngr drka' kxnzlz, x kxnzmrlzbz badr nzpokia-zvzngr.