Sam 28:7 - Natqgu

⁷ Nim lrpalvc nyznge x temz ngr lomrnge kc tqyrputrngr nipna. Abrtrpo drtwrnge bam x okatr-zvzq ninge. Delc tqelalz-ngrm drtwrnge X tqawi-zvz-ngrbo bam mz nzngrngr.

Sam 28:7 ပူးပေါင်းရင်းမြစ်များ

Sam 13:5

Murde abrtrpo drtwrnge mz nzaodu-krm kc tqyc tqyc. X sa na-abrtz-zlwz-ngrne nzarlapx-krm ninge.

Sam 13:6

Yawe, sa nangrbo bam murde amrlz-zlwzpeq ninge. Mz da amrlx kx kame bange, Yawe, sa nangrbo bam.

Sam 19:14

Yawe, nim butqbr kx rlakitrx. Krka'-ngrne kx natqngeng x nzaotikr drtwrnge navz-nqblq-zvzlr me pnz drtwrm.

Sam 21:1

Yawe, ninge king nem x abrtz-zlwzx murde nzrka-krme bange zmatq. Bilvzx nzaovxio-krbzme enqmi rngeng.

Sam 22:4

Melrmqgrng nzabrtrpzlr drtwrdr bam. Nzlxngitilr nim x arlapxq nidr.

Sam 28:8

Yawe, nim lrpalvc nyzgr kx rlakitrkr. X nim nzxplr-krnge, ninge king kc tqmcpxbzme.

Sam 3:3

A' Yawe, nim kx mnc-ngale-zvzle ninge. Nim nou nzaovxio-krnge x nim kx apqtrp drtwrnge.

Sam 3:4

Delc tqrlxti-ngrbo nzokatr-krm ninge, X ayzluome natqnge mz newz kxtr nyzm.

Sam 33:21

Abrtzlvzku nide, X drtwrgu abrtrpzku mz drtqde kxtr.

Sam 40:3

Alvztrpe' bange kc nabz kxmrna mz nzrglqlzngr nim. X mzli kc naxlrngr leplz nzngr-krngele, sa na-angiolr nim x na-abrtrpzlr drtwrdr bam.

Sam 43:2

Nim me rlakitrx. ?Memule tqrlasz-ngrn ninge? ?X memule tqkxpu-zvz-ngrne Mz nzaetqti-krm enqmi rngeng drtqnge?

Sam 46:1

Gct kc tqmyatxlz, nide me rlakitrku x axplrle nigu, X mz nzkqle-krgu nide mz mzli kx nzkxpungr, okatrle nigu.

Sam 46:2

Kxmule-esz' nengq aycngrlrle nrlc, x newz nzbrkaong prla, X kxmule-esz' dxvo votrp x nrc oda, X newz nzycngrlr-ngrdr kz nzyrpukr nrc kxetuting, A' trmwxlrkuu murde abrtrpzku drtwrgu mz Gct.

Sam 69:30

Murde na-angrlvzx nim, X naglqlzx nim mz nzawingr.

Sam 84:11

Murde Yawe, nim King rgr kc tqbatrple nzamatqngr nigr. X nim temz ngr lomrgr kc tqyrputrngr nipna. X aclveq nigr mz zmrlz ngrm, Mz nzrlrpx-zvz-krbzme da kxmrlzting mz kxnztubqng.

Sam 91:4

Sa na-aclve-zpwxle nim, Na-apule kio kc tqwxbulvzole neideng. X sa na-angidatibzle natqdeng Mz nzapu-krbzle bam temz ngr lomrm kc tqyrputrngr nipna.

Efiszs 6:10

Natqnge kx nzrmnr-ngrbzng nidr seleng. Mnctr-amqngibzmu mz Kxetu rgu, murde narngiscmu zmatq mz nzaxplr-krde nimu.

Nzaelwapxngr 15:3

X nzngr-ngrdr nabz ngr nzmyalz-esz'ngrkr Gct mz nzarlapx-kai-krde leplz nedeng mz kxnzawz nede Mosis, x mz Nei Sip kc ate. Nzrpilr kx, “Yawe, Gct kc tqrninr, King abzo mzli kc bqnc Krlzmle mzli ka, nzwz-krmqng myapx- Esz'ngr x kctipxkrng. Nqmq krmqng da angidr, X tubq-esz'ngr. Leplz nzamrluelr nim. X trpnzngr kx napxtxpx-ngrde Nzglqlz-krde nqmq krm. “Nim txpwz kxtr-esz'ngr, X nzamrluelr nim. Trpnzngr leplz kx napxtxpx-ngrde Nzglqlz-krde nqmq krm. Murde nqmq krmqng kxtubq, Lr nrlc amrlx sa navzmqng Mz nzangio-krdr nim. Murde aelwapxpe-ngrn nqmq krmqng kxtubq, Tubq-esz'ngr, eu.”

Nzaelwapxngr 5:9

Zbz sc tzngr-ngrdr kc nabz kxmrna, mz nzrpi-krdr kx, “Nipem ncblo kx rtwz skrol la, X takitrde nim, Nzrniglcngr kadol ngrdeng X nzrkawxpx-kzngr. Nim blz kx nznibqng. Mepyr ngrm yrleo. Xpetrle leplz neng Gct. Leplz lcng nzprpxmqng mz nou, natq, drtc', x Neidu amrlx mz nrlc. “Nim kx rvzmimqng leplz lcng amrlx, Nidr kxnzprpxmqng Mz nou, natq, x neidu, x drtc' amrlx Mrka mz nrlc tulvzo, Murde nangini-ngrdr Pris neng Gct rgu, Mz nzwztr-krbzlr bade. X nidr kx na-aclveng ncdr mz nrlc, Mz nrlc tulvzo, eu.”