Sam 28:2 - Natqgu

² Mzli kc tqobqtr-ngrbo Mrkc Tqtr mz nzmnc-krnge Mangr-nzangiongr nim, x glalzx mqnge mz nzkrka'-krbo bam, Xlrm natqnge x okatrp ninge.

Sam 28:2 ပူးပေါင်းရင်းမြစ်များ

Sam 125:5

A' mzli kc na-ayrplapx-ngrn kxdrka'-ngrng, Mrlzm bagr nzayrplapx-kz-krm kzdung nigr Kcng tzpxtxpx-ngrdr nzvz-nqblqngr nim. A' amnc zpwx nigr lang.

Sam 130:2

Lalztqm mz nzkrka'-krnge, kx Kxetu, X ayzlum natqnge.

Sam 134:2

Glalzku mqgu Mrkc Tqtr. Glqpxku Yawe mz nrlckxbq.

Sam 138:2

Lxlvrkibo Mangr-nzangiongr nim mz nzglqlz-krnge drtqm. X awi-ngrbo bam nqmq krm, Nzaodu-krm, x nzangidati-krm. Murde drtqm x natqm nzmyatxpx-esz'ngr.

Sam 140:6

Yawe, xlrm nzkrka'-krnge, Murde rpi-zvzbo bam kx, “Yawe, nim Gct rnge.”

Sam 141:1

Yawe, kqle-zvzx nim. Xlrm natqnge. Vz-anim x okatrp ninge. Yawe, kqle-zvzx nim.

Sam 141:2

Abrtzlvz nzkrka'-krnge nzvzdz-krbzle bam na-apule zsikapu ngr bqlr nc ninz kc tzangcbz bam. X nzglalz-krnge mqnge na-apubzle bam blz ngr milzpq.

Sam 143:6

Delc tqglalz-ngrbo mqnge bam, Murde brlxkztitx zlwz drtwrnge nim.

Sam 5:7

A' mz nzaodu-zvz-krm, delc navztr-ngrne Mangr-nzangiongr nim, X nayrngzobo mz nzamatqngr nim.

Sam 63:4

X sa na-awi-zvzbo bam Mz nzglalz-krbo mqnge mz nzkrka'-krbo bam.

1 Timoti 2:8

X suti zlwz drtwrnge kx ncblo neng Kraes ngr mrlcng amrlx nakrka'ng. Murde nzkrka'ngr atubxlzle nzwzkr Nrpakxmrlz. Bzkq ncblo nzbubzlr mqdr mz enqmi rdr, a' naglalzbzlr mqdr mz Gct mz nzkrka'ngr kxtr.